ເກົາຫຼີເໜືອຍິງຂີປະນາວຸດຈາກນະຄອນຫຼວງປຽງຢາງ ຍີ່ປຸ່ນເຕືອນປະຊາຊົນໃຫ້ລົງຂຸມຫຼົບໄພ

ສຳນັກຂ່າວຕ່າງປະເທດລາຍງານ 15 ກັນຍາ 2017 ວ່າ: ກະຊວງປ້ອງກັນປະເທດເກົາຫຼີໃຕ້ລາຍງານວ່າ ເກົາຫຼີເໜືອຍິງຂີປະນາວຸດອອກຈາກເຂດຊູນານ, ນະຄອນຫຼວງປຽງຢາງ ໃນຕອນເຊົ້າວັນສຸກນີ້ ເຊິ່ງຂີປະນາວຸດຖືກຍິງອອກໄປທາງທິດຕາເວັນອອກມຸ່ງໜ້າສູ່ພາກຕາເວັນອອກສຽງເໜືອຂອງຍີ່ປຸ່ນ ແຕ່ຂະນະນີ້ຍັງບໍ່ສາມາດລະບຸໄດ້ວ່າເປັນຂີປະນາວຸດຊະນິດໃດ.
ໃນດ້ານຂອງລັດຖະບານຍີ່ປຸ່ນຄາດວ່າ ຂີປະນາວຸດດັ່ງກ່າວອາດຈະຜ່ານດິນແດນຂອງຍີ່ປຸ່ນ ແລະ ເຕືອນໃຫ້ປະຊາຊົນທີ່ອາໄສຢູ່ໃນເຂດທີ່ຂີປະນາວຸດຈະຂ້າມຜ່ານອົບພະຍົບລົງຂຸມຫຼົບໄພແລ້ວ.
ຂະນະນີ້ກະຊວງປ້ອງກັນປະເທດຂອງທັງເກົາຫຼີໃຕ້ ແລະ ຍີ່ປຸ່ນກຳລັງເລັ່ງຮວບຮວມຂໍ້ມູນເພື່ອກວດສອບສະຖານະ ແລະ ຊະນິດຂອງຂີປະນາວຸດດັ່ງກ່າວ.

ຈີນກ່າວທາງອອກຂອງສະຖານະການຄວາ ຄືການເຈລະຈາ ບໍ່ແມ່ນການຂວ້ຳບາດແບບນີ້

ສຳນັກຂ່າວຕ່າງປະເທດລາຍງານ 24 ພຶດສະພາ 2017 ວ່າ: ທ່ານ ຫຼິວ ຈີອີ້ ເອກອັກຄະລັດຖະທູດຈີນປະຈຳສະຫະປະຊາຊາດ ກ່າວເມື່ອວັນອັງຄານທີ່ຜ່ານມາວ່າ ແນວທາງປະຕິບັດທີ່ເໝາະສົມທີ່ສຸດທີ່ຈະຊ່ວຍຜ່ອນຄາຍສະຖານະການຄວາມເຄັ່ງຕຶງຢູ່ແຫຼມເກົາຫຼີ ຄືການເຈລະຈາ ບໍ່ແມ່ນການເດີນໜ້າໃຊ້ມາດຕະການຂວ້ຳບາດທາງເສດຖະກິດ ແລະ ສະຖານະການໃນຕອນນີ້ຄືສັນຍານທີ່ບົ່ງບອກຢ່າງຊັດເຈນແລ້ວວ່າ "ການເຈລະຈາຈຳເປັນຕ້ອງເກີດຂຶ້ນຕອນນີ້" ໂດຍບໍ່ມີເຫດຜົນຕ້ອງລໍຖ້າເວລາອີກ ແລະ ຈີນຍັງຄົງເຊື່ອໝັ້ນວ່າຄວາມຮ່ວມມືຈາກທຸກຝ່າຍທີ່ກ່ຽວຂ້ອງຈະສາມາດຟື້ນຟູການເຈລະຈາຂຶ້ນມາໄດ້ອີກຄັ້ງ.
ແຕ່ເຖິງຢ່າງໃດກໍ່ຕາມເອກະອັກຄະລັດຖະທູດຈີນບໍ່ໄດ້ປະຕິເສດຄວາມເປັນໄປໄດ້ທີ່ຄະນະມົນຕີຄວາມໝັ້ນຄົງແຫ່ງສະຫະປະຊາຊາດ ຈະບໍ່ເພີ່ມມາດຕະການຂວ້ຳບາດຕໍ່ລັດຖະບານເກົາຫຼີເໜືອອີກ ເຊິ່ງການຂວ້ຳບາດລັດຖະບານເກົາຫຼີເໜືອເກີດຂຶ້ນຄັ້ງທຳອິດໃນປີ 2006 ເຊິ່ງເປັນປີທີ່ລັດຖະບານເກົາຫຼີເໜືອທົດລອງລະເບີດນິວເຄຼຍເປັນຄັ້ງທຳອິດ, ເຖິງວ່າສະຫະລັດ ແລະ ເກົາຫຼີເໜືອຕ່າງກໍ່ສະແດງທ່າທີວ່າການເຈລະນາສາມາດເກີດຂຶ້ນໄດ້ ແຕ່ຕ່າງຝ່າຍຕ່າງກໍ່ມີເງື່ອນໄຂຂອງຕົວເອງ ນັ້ນຄືລັດຖະບານເກົາຫຼີເໜືອຕ້ອງຢຸດໂຄງການນິວເຄຼຍ ແລະ ສະຫະລັດອາເມຣິກາຕ້ອງຢຸດຊ້ອມຮົບປະຈຳປີຮ່ວມກັບເກົາຫຼີໃຕ້.

ດ່ວນ...! ກຸ່ມຫົວຮຸນແຮງ IS ຢຶດເມືອງມາຣາວີຂອງປະເທດຟິລິບປິນ ແລະ ໄດ້ມີການປະກາດກົດໄອຍະການເສີກແລ້ວ

ສຳນັກຂ່າວຕ່າງປະເທດລາຍງານ 24 ພຶດສະພາ 2017 ວ່າ: ທ່ານ ເອີເນສໂຕ ອະເບວລາ ໂຄສົກປະທານປະເທດຟິລິບປິນ ຖະແຫຼງວ່າ ທ່ານ ໂຣດຼິໂກ ດູເຕເຕ ປະທານປະເທດຟິລິບປິນໄດ້ປະກາດໃຊ້ກົດໄອຍະການເສິກທົ່ວເກາະມິນດາເນົາ ພາກໃຕ້ຂອງປະເທດ ເລີ່ມຕັ້ງແຕ່ເວລາ 22:00 ຂອງວັນອັງຄານ 23 ພຶດສະພາ 2017 ເປັນຕົ້ນໄປ ມີກຳນົດ 60 ວັນ ທັງນີ້ເນື່ອງມາຈາກສະຖານະການຄວາມບໍ່ສະຫງົນທີ່ເກີດຂຶ້ນຢູ່ເກາະມິນດາເນົາ.
ການປະກາດກົດໄອຍະການເສິກມີຂຶ້ນຫຼັງຈາກມີການປະທະກັນລະຫວ່າງກອງກຳລັງຝ່າຍຄວາມໝັ້ນຄົງຂອງຟິລິບປິນກັບສະມາຊິກກຸ່ມຫົວຮຸນແຮງຫຼາຍສິບຄົນພ້ອມອາວຸດ ໃນເມືອງມາຣາວີ ເຊິ່ງເປັນເມືອງທີ່ມີປະຊາກອນ 200,000 ຄົນ ທີ່ຢູ່ເທິງເກາະມິນດາເນົາ ເມື່ອວັນອັງຄານທີ່ຜ່ານມາ, ເມືອງມາຣາວີຢູ່ໃນແຂວງລາເນົາ ເດ ຊູ ຕັ້ງຢູ່ຫ່າງຈາກນະຄອນຫຼວງມະນິລາ 800 ກມ.
ທ່ານ ເດວຟິນ ລໍເຣນຊານາ ລັດຖະມົນຕີກະຊວງປ້ອງກັນປະເທດຟິລິບປິນກ່າວວ່າ ທະຫານໄດ້ຍົກກຳລັງບຸກແຫຼ່ງກົບດານຂອງຫົວໜ້າກຸ່ມຫົວຮຸນແຮງຄົນສຳຄັນຄືທ້າວ ອິສນິລອນ ຮາປິລອນ ຕາມລາຍງານລະບຸວ່າລາວໄດ້ຮັບເລືອກໃຫ້ເປັນຫົວໜ້າກຸ່ມສາຂາຂອງ IS ໃນພູມມິພາກອາຊີຕາເວັນອອກສຽງໃຕ້ ແລະ ຍັງມີຊື່ຢູ່ໃນບັນຊີລາຍຊື່ຜູ້ກໍ່ການຮ້າຍທົ່ວໂລກທີ່ກະຊວງຍຸດຕິທຳຂອງສະຫະລັດຕ້ອງການຕົວ ໂດຍມີເງິນລາງວັນນຳຈັບ 5 ລ້ານໂດລາສະຫະລັດ.
ລັດຖະມົນຕີກະຊວງປ້ອງກັນປະເທດຟິລິບປິນກ່າວຕື່ມອີກວ່າ ຜົນຈາກການບຸກແຫຼ່ງກົບດານຂອງຫົວໜ້າກຸ່ມສາຂາຂອງ IS ເຮັດໃຫ້ເກີດການຍິງປະທະກັນ ທາງກຸ່ມຫົວຮຸນແຮງໄດ້ຮຽກກຳລັງເສີມຈາກກຸ່ມພັນທະມິດຄື ເດີ ມົວເຕ ສົ່ງກຳລັງເຂົ້າມາບຸກຢຶດຫ້ອງວ່າການເມືອງ, ໂຮງໝໍ ແລະ ຍັງຈູດທຳລາຍໂບສ, ຄຸກ, ວິທະຍາໄລ ແລະ ບ້ານເຮືອນຂອງປະຊາຊົນ.
ຜົນຈາກການປະທະກັນເຮັດໃຫ້ທະຫານເສຍຊີວິດ 2, ຕຳຫຼວດ 1 ແລະ ບາດເຈັບອີກ 12 ສ່ວນຝ່າຍສະມາຊິກກຸ່ມຫົວຮຸນແຮງເສຍຊີວິດໄປຫຼາຍຄົນເຊັ່ນກັນ ແຕ່ພວກເຂົາໄປຢຶດເມືອງມາຣາວີເອົາໄວ້ ໄຟຟ້າຖືກຕັດຂາດທັງເມືອງ ສ້າງຄວາມສັບສົນວຸ້ນວາຍໄປທົ່ວ ມື້ປືນດັກຊຸ້ມຍິງໄລຍະໄກມີຢູ່ເຕັມໄປໝົດ.
ໃນດ້ານຂອງທ່ານ ອະລັນ ປີເຕີ ຄາເຢຕາໂນ ລັດຖະມົນຕີຕ່າງປະເທດຟິລິບປິນ ເປີດເຜີຍວ່າ ໄດ້ແຈ້ງໃຫ້ທ່ານ ເຊີເກ ລາຟຣອບ ລັດຖະມົນຕີຕ່າງປະເທດລັດເຊຍຮັບຮູ້ເລື່ອງການຫຼຸດພາລະກິດການຢ້ຽມຢາມລັດເຊຍຂອງທ່ານ ດີເຕເຕ ເຊິ່ງຕ້ອງໄດ້ເດີນທາງກັບຟິລິບປິນກ່ອນກຳນົດ ເພື່ອຮັບມືກັບສະຖານະການທີ່ເກີດຂຶ້ນໃນເກາະມິນດາເນົາ ແຕ່ລັດຖະມົນຕີຕ່າງປະເທດເອງຕ້ອງຢູ່ຕໍ່ເພື່ອປະຕິບັດພາລະກິດຕໍ່ໃນລັດເຊຍ ເພາະຍັງມີຂໍ້ຕົກລົງຫຼາຍສະບັບທີ່ຕ້ອງໄດ້ຮ່ວມລົງນາມລະຫວ່າງສອງລັດຖະບານ.

ຈີນຂ້າສາຍລັບ CIA ຂອງສະຫະລັດອາເມຣິກາ 20 ຄົນ

ໜັງສືພິມນິວຢອກທາມ ລາຍງານວ່າ ໃນໄລຍະແຕ່ປີ 2010-2012 ລັດຖະບານຈີນສັງຫານແຫຼ່ງຂ່າວຂອງ CIA ໄປແລ້ວຢ່າງໜ້ອຍ 18-20 ຄົນ.
ນິວຢອກທາມ ລາຍງານໂດຍອ້າງຄຳເວົ້າຂອງເຈົ້າໜ້າທີ່ສະຫະລັດທັງໃນປັດຈຸບັນ ແລະ ໃນອະດີດຈຳນວນຫຼາຍວ່າ ການຮົ່ວໄຫຼໃນການຫາຂ່າວກອງຄັ້ງນີ້ຖືເປັນເລື່ອງຮ້າຍແຮງທີ່ສຸດໃນຮອບຫຼາຍສິບປີ ແລະ ເຮັດໃຫ້ທັງສຳນັກງານຂ່າວກອງກາງຂອງສະຫະລັດ (CIA) ແລະ ໜ່ວຍງານບັງຄັບໃຊ້ກົດໝາຍຫຼາຍແຫ່ງ ລວມທັງສຳນັກງານສືບສວນກາງສະຫະລັດ (FBI) ເລັ່ງດຳເນີນການສືບສວນ ເຖິງແມ່ນວ່າເຈົ້າໜ້າທີ່ສືບສວນຈະມີຄວາມເຫັນແຕກເປັນ 2 ຝ່າຍ ໂດຍຝ່າຍໜຶ່ງເຫັນວ່າມີສາຍລັບເຮັດວຽກໃຫ້ຈີນລາຍໜຶ່ງແອບແຝງຢູ່ໃນ CIA ແລະ ໄດ້ເປີດເຜີຍແຫຼ່ງຂ່າວຂອງສຳນັກງານ CIA ໃຫ້ລັດຖະບານຈີນ, ສ່ວນອີກຝ່າຍໜຶ່ງເຊື່ອວ່າທາງການຈີນສາມາດເຈາະເຂົ້າສູ່ລະບົບປິດລັບທີ່ CIA ໃຊ້ໃນການຕິດຕໍ່ສື່ສານກັບແຫຼ່ງຂ່າວຕ່າງປະເທດ.
ສື່ດັ່ງກ່າວຂອງອາເມຣກາລະບຸວ່າ ທາງການຈີນໄດ້ສັງຫານບຸກຄົນທີ່ໃຫ້ຂໍ້ມູນຂ່າວສານແກ່ CIA ຕັ້ງແຕ່ອາທິດສຸດທ້າຍຂອງປີ 2010 ຈົນເຖິງທ້າຍປີ 2012 ແລະ ຍັງມີລາຍອື່ນໆທີ່ຖືກຈັບຕົວເຂົ້າຄຸກ ຖືເປັນການທຳລາຍເຄືອຂ່າຍໜ່ວຍຂ່າວ CIA ຄັ້ງໃຫຍ່ ແລະ ເປັນຜົນສຳເລັດຂອງຈີນ.
ເຖິງຢ່າງໃດກໍ່ຕາມ ໃນສ່ວນຂອງ CIA ແລະ FBI ຕ່າງກໍ່ປະຕິເສດທີ່ຈະສະແດງຄວາມຄິດເຫັນກ່ຽວກັບລາຍງານຂ່າວນີ້.
ນອກຈາກນີ້ ນິວຢອກທາມ ຍັງລາຍງານຕື່ມອີກວ່າ CIA ພະຍາຍາມສ້າງເຄືອຂ່າຍສາຍລັບໃນຈີນຂຶ້ນມາໃໝ່ ເຊິ່ງເປັນຄວາມພະຍາຍາມທີ່ຕ້ອງໃຊ້ຕົ້ນທຶນສູງ ແລະ ໃຊ້ເວລາຫຼາຍ ຂະນະທີ່ຈີນກໍ່ມີຄວາມພະຍາຍາມໃນການຕັ້ງໜ້າກຳຈັດໜ່ວຍຂ່າວກອງ.

ຈີນເຊີນເກົາຫຼີເໜືອ ຮ່ວມເວທີປຶກສາຫາລື "ໜຶ່ງແລວທາງ ໜຶ່ງເສັ້ນທາງ" ບໍ່ສົນຄຳຄ້ານສະຫະລັດ

ສຳນັກຂ່າວ Reuters ລາຍງານເມື່ອວັນທີ 13 ພຶດສະພາ 2017 ຜ່ານມາວ່າ: ສະຖານທູດສະຫະລັດອາເມຣິກາ ປະຈຳນະຄອນຫຼວງປັກກິ່ງ ປະເທດຈີນ ໄດ້ຍື່ນສານທາງການທູດເຖິງກະຊວງການຕ່າງປະເທດຂອງຈີນ ໂດຍລະບຸວ່າ: ການເຊີນເກົາຫຼີເໜືອເຂົ້າຮ່ວມເວທີປຶກສາຫາລືລະດັບສູງວ່າດ້ວຍການຮ່ວມມືສາກົນ "ໜຶ່ງແລວທາງ ໜຶ່ງເສັ້ນທາງ" ນັ້ນເທົ່າກັບເປັນການສື່ສານໃນທາງທີ່ຜິດ ຂະນະທີ່ປະຊາຄົມໂລກກຳລັງກົດດັນເກົາຫຼີເໜືອ ໃນເລື່ອງໂຄງການອາວຸດນິວເຄຼຍ ແລະ ຂີປະນາວຸດຂອງເກົາຫຼີເໜືອ.
ເມື່ອຜູ້ສື່ຂ່າວສອບຖາມໄປທາງກະຊວງການຕ່າງປະເທດຂອງຈີນເລື່ອງສານທາງການທູດດັ່ງກ່າວ ກະຊວງການຕ່າງປະເທດຂອງຈີນມີຖະແຫຼງການສັ້ນວ່າ: ໂຄງການ "ໜຶ່ງແລວທາງ ໜຶ່ງເສັ້ນທາງ" ນັ້ນເປັນໂຄງການເປີດກວ້າງ ແລະ ຄວບຄຸບຫຼາຍປະເທດຫຼາຍທະວີບ ລັດຖະບານຈີນຂໍຕ້ອນຮັບຕົວແທນຈາກທຸກປະເທດທີ່ເຂົ້າຮ່ວມປະຊຸມ ເພື່ອການຮ່ວມມືລະຫວ່າງກັນ.
ເຖິງວ່າຈີນຈະບໍ່ພໍໃຈທີ່ເກົາຫຼີເໜືອຍັງມີການທົດສອບອາວຸດ, ພັດທະນານິວເຄຼຍຕໍ່ໄປ ແລະ ໄດ້ຮ່ວມລົງນາມໃນມາດຕະການຂວ້ຳບາດຂອງສະຫະປະຊາຊາດຢ່າງເຂັ້ມງວດຕໍ່ເກົາຫຼີເໜືອກໍ່ຕາມ ແຕ່ຈີນກໍ່ຖືວ່າເປັນປະເທດຜູ້ສະໜັບສະໜູນລາຍໃຫຍ່ທາງດ້ານເສດຖະກິດ ແລະ ການທູດພຽງປະເທດດຽວຂອງເກົາຫຼີເໜືອ.
ໃນຖະແຫຼງຂອງກະຊວງການຕ່າງປະເທດຂອງຈີນບໍ່ໄດ້ເປີດເຜີຍວ່າ ຕົວແທນຂອງເກົາຫຼີເໜືອ ແມ່ນໃຜ, ເຊິ່ງໃນເວທີການປຶກສາຫາລືຄັ້ງນີ້ຈະມີຜູ້ແທນຈາກ 29 ປະເທດເຂົ້າຮ່ວມ ທີ່ນະຄອນຫຼວງປັກກິ່ງລະຫວ່າງວັນທີ 14-15 ພຶດສະພາ 2017 ນີ້ ໂດຍເປັນໂຄງການເພື່ອສົ່ງເສີມວິໄສທັດຂອງທ່ານ ສີ ຈິນຜິງ ປະທານປະເທດຈີນ ໃນການຂະຫຍາຍເສັ້ນທາງເຊື່ອມຕໍ່ລະຫວ່າງທະວີບອາຊີ, ອາຟຣິກາ ແລະ ເອີຣົບ ໂດຍເນັ້ນການລົງທຶນດ້ານພື້ນຖານໂຄງລ່າງ ມູນຄ່າຫຼາຍພັນລ້ານໂດລາສະຫະລັດ.

ປ.ທຣຳ ເລັ່ງຮັດແໜ້ນສາຍພົວພັນພັນທະມິດໃນ "ອາຊຽນ" ເຊີນຜູ້ນຳໄທ, ຟິລິບປິນ, ສິງກະໂປ ຢ້ຽມຢາມອາເມຣິກາ

ສຳນັກຂ່າວຕ່າງປະເທດລາຍງານ 30 ເມສາ 2017 ວ່າ: ທຳນຽມຂາວອອກຖະແຫຼງການເມື່ອວັນອາທິດທີ່ຜ່ານມາ ເລື່ອງທ່ານ ໂດໂນ ທຣຳ ປະທານປະເທດສະຫະລັດອາເມຣິກາ ສົນທະນາທາງໂທລະສັບກັບ ພົນເອກ ປຣະຍຸດ ຈັນໂອຊາ ນາຍົກລັດຖະມົນຕີຂອງໄທ ໃນບັນຫາກ່ຽວກັບສະຖານະການຢູ່ແຫຼມເກົາຫຼີ ໂດຍຜູ້ນຳສະຫະລັດເລັງເຫັນເຖິງຄວາມສຳຄັນຂອງການຮ່ວມມືກັບປະເທດທີ່ເປັນຮຸ້ນສ່ວນທາງຍຸດທະສາດໃນພູມມິພາກ ເພື່ອເພີ່ມແຮງກົດດັນທາງເສດຖະກິດ ແລະ ການທູດຕໍ່ເກົາຫຼີເໜືອ.
ນອກຈາກນີ້ໃນວັນດຽວກັນ ປ.ທຣຳ ຍັງສົນທະນາທາງໂທລະສັບກັບທ່ານ ລີ ຊຽງ ລຸງ ຜູ້ນຳສິງກະໂປ ໃນບັນຫາກ່ຽວກັບຄວາມຂັດແຍ່ງລະຫວ່າງສະຫະລັດອາເມຣິກາກັບເກົາຫຼີເໜືອເຊັ່ນກັນ ແລະ ຜູ້ນຳສະຫະລັດໄດ້ເຊີນທັງນາຍົກຂອງໄທ ແລະ ສິງກະໂປໃຫ້ເດີນທາງໄປຢ້ຽມຢາມນະຄອນຫຼວງວໍຊິງຕັນອີກດ້ວຍ.
ໃນດ້ານຂອງທ່ານ ໂຣດຼິໂກ ດູເຕີເຕ ປະທານປະເທດຟິລິບປິນ ທຳນຽມຂາວກໍ່ໄດ້ລາຍງານວ່າ ປ.ທຣຳ ໄດ້ສົນທະນາທາງໂທລະສັບກັບຜູ້ນຳຟິລິບປິນເມື່ອວັນເສົາທີ່ຜ່ານມາ ເຊິ່ງໄດ້ສົນທະນາກັນຫຼາຍບັນຫາ ແລະ ລວມເຖິງບັນຫາຢູ່ແຫຼມເກົາຫຼີ ນອກຈາກນີ້ກໍ່ຍັງໄດ້ເຊີນທ່ານຜູ້ນຳຟິລິບປິນເດີນທາງໄປຢ້ຽມຢາມນະຄອນຫຼວງວໍຊິງຕັນເຊັ່ນກັນ.
ໂດຍເຈົ້າໜ້າທີ່ປະຈຳທຳນຽມຂາວກ່າວວ່າ: ສະຖານະການຢູ່ແຫຼມເກົາຫຼີໃນເວລານີ້ບົ່ງຊີ້ໃຫ້ເຫັນວ່າ ການປະສານງານ ແລະ ຮ່ວມມືກັບພັນທະມິດຂອງສະຫະລັດອາເມຣິກາໃນພູມມິພາກນີ້ເປັນເລື່ອງຈຳເປັນຢ່າງຍິ່ງ ເພື່ອໃຫ້ການດຳເນີນແນວທາງປະຕິບັດ ແລະ ນະໂຍບາຍເປັນໄປໃນທິດທາງດຽວກັນ.

ຄິມ ສົ່ງໜັງສືເຖິງ 10 ຊາດອາຊຽນ ຈົ່ງຊ່ວຍສະໜັບສະໜູນເຂົາ ຕໍ່ຕ້ານສັດຕູຜູ່ຮຸກຮານ..

 ສຳນັກຂ່າວ ເອເອຟພີ ລາຍງານເຊົ້ານີ້ ວ່າ ກະຊວງການຕ່າງປະເທດ ເກົາຫຼີເໜືອ ໄດ້ສົ່ງຈົດໝາຍ ມາຍັງປະທານອາຊຽນ ເພື່ອຂໍແຮງສະໜັບສະໜູນຈາກ 10 ຊາດອາຊຽນຕໍ່ເກົາຫຼີເໜືອ ຕໍ່ຕ້ານຊາດມະຫາອຳນາດ ທີ່ໃຊ້ອິດທິພົນເຖື່ອນ ກົດດັນແລະຮຸກຮານເກົາຫຼີເໜືອ ເພື່ອຫຼີກລຽງໂສກະນາຕກຳ ຕໍ່ມະນຸດຊາດ ທີ່ອາດເກີດຂຶ້ນໃນສົງຄາມຄັ້ງນີ້..
ໃນຈົດໝາຍຍັງຊີ້ໃຫ້ເຫັນພຶດຕິກຳການກົດຂີ່ຊາດອື່ນຂອງເມກາ ທີ່ມາສ້າງສະຖານະການໃນແຫຼມເກົາຫຼີໃຫ້ຕຶງຄຽດ ໂດຍເອົາເຫດການ ພັດທະນາອາວຸດ ເພື່ອການປົກປ້ອງຊາດ ຂອງເກົາຫຼີເໜືອເປັນຂໍ້ອ້າງ ທັງທີ່ອເມຣິກາແລະພັກພວກກໍລ້ວນພັດທະນາແລະທົດລອງອາວຸດເປັນປະຈຳ.. ໆລໆ
ຈົດໝາຍຍັງຍົກໃຫ້ເຫັນ ເຖິງຄວາມສຳຄັນ ຂອງການຮ່ວມພະລັງ ຕໍ່ຕ້ານ ຊາດມະຫາອຳນາດ ທີ່ທຳຕົວເປັນອັນຕະພານໂລກ. ເພື່ອຮັກສາໄວ້ເຊິ່ງກຽດຕິພູມ, ຄວາມເປັນເອກະລາດ ແລະອຳນາດ ອະທິປະໄຕຂອງຕົນ. ໆລໆ..ເນື້ອຫານີ້ ຈະນຳເຂົ້າຫາລື ໃນກອງປະຊຸມອາຊຽນ ທີ່ຈະຈັດຂຶ້ນ ຢູ່ສິງຄະໂປ ໃນອາທິດໜ້ານີ້..

ເປັນຄົນລາວຕ້ອງຮູ້ໄວ້ "ມີຈັກປະເທດທີ່ຍ ົກເວັ້ນການນຳໃຊ້ Visa ສຳລັບພົນລະເມືອງລາວ ແລະ ສຳລັບການບິນລາວປະຈຸບັນມີເສັ້ນທາ ງບິນກົງໄປຈັກປະເທດ"

ປະເທດທີ່ຍົກເວັ້ນການນຳໃຊ້ Visa ສຳລັບພົນລະເມືອງລາວ (ຫນັງສືຜ່ານແດນທຳມະດາ)
 
ປັດຈຸບັນບໍ່ແມ່ນເລື່ອງຍາກໃນການເດີນທາງທ່ອງ ໂດຍສະເພາະໃນບັນດາປະເທດສະມາຊິກ ອາຊຽນ ແຕ່ກໍມີຫຼາຍປະເທດທີ່ມີຂໍ້ຈຳກັດ ແລະ ກົດລະບຽບການເຂົ້າອອກທີ່ເຂັ້ມງວດເຊັ່ນ ການນຳໃຊ້ Visa ປະກອບກັບໜັງສືຜ່ານແດນເພື່ອເຂົ້າປະເທດນັ້ນ ມື້ນີ້ການບິນລາວຈະມາແນະນຳສຳລັບ 10 ປະເທດ ທີ່ທ່ານສາມາດເດີນທາງເຂົ້າອອກໄດ້ສະດວກສ ໂດຍບໍ່ຈຳເປັນຕ້ອງຂໍ Visa
ໄທ (ກຳນົດພັກເຊົາ 30 ວັນ)
ຫວຽດນາມ (ກຳນົດພັກເຊົາ 30 ວັນ)
ກຳປູເຈຍ (ກຳນົດພັກເຊົາ 30 ວັນ)
ມຽນມາ (ກຳນົດພັກເຊົາ 14 ວັນ)
ສິງກະໂປ (ກຳນົດພັກເຊົາ 30 ວັນ)
ຟີລິປິນ (ກຳນົດພັກເຊົາ 30 ວັນ)
ບຣູໄນ (ກຳນົດພັກເຊົາ 14 ວັນ)
ອິນໂດເນເຊຍ (ກຳນົດພັກເຊົາ 30 ວັນ)
ມາເລເຊຍ (ກຳນົດພັກເຊົາ 30 ວັນ)
ມົງໂກລີ (ກຳນົດພັກເຊົາ 30 ວັນ)
ສຳລັບການບິນລາວປະຈຸບັນມີເສັ້ນທາງບິນກົງໄປຍັ ໄທ ຫວຽດນາມ ກຳປູເຈຍ ທີ່ພົນລະເມືອງລາວເດີນທາງໂດຍໃຊ້ພຽງໜັງສືຜ່ ລວມ 6 ເສັ້ນທາງບິນ ແລະ ຈະເພີ່ມເສັ້່ນທາງບິນອີກໃນໄວໆນີ້
ແຫລ່ງຂໍ້ມູນຈາກ: ປະເທດລາວ Pathedlao
 

ການ​ແກ້​ໄຂ​ຜົນ​ກວດສອບການເງິນ ທາງ​ກະຊວງ​​ໄດ້​ດຳເນີນການ​ແກ້​ໄຂ​ສ່ວນຫຼາຍແລ້ວ ຄາດສຳເລັດໃນທ້າຍເດືອນມິຖຸນາ 2017

ໃນວັນທີ 27 ເມສາ 2017 ຜ່ານມາ ກອງປະຊຸມສະໄໝສາມັນເທື່ອທີ 3 ຂອງສະພາແຫ່ງຊາດຊຸດທີ VIII ໄດ້ດໍາເນີນມາເປັນວັນທີ 4 ເຊິ່ງ ທ່ານ ສົມດີ ດວງດີ ຮອງນາຍົກລັດຖະມົນຕີ ລັດຖະມົນຕີກະຊວງການເງິນ ກໍໄດ້ຂຶ້ນລາຍງານ ແລະຊີ້ແຈງ ຄຳຖາມ ການປະກອບຄຳເຫັນ ແລະຂໍ້ສະເໜີ ຂອງກຳມາທິການແຜນການ ແລະການເງິນ ການກວດສອບບັນດາຜູ້ແທນສະພາແຫ່ງຊາດ
ຕໍ່​ກັບ​ການ​ສະເໜີ​ໃຫ້​ມີ​ການຕິດຕາມ​ກວດກາ​ຢ່າງ​ລະອຽດ ກ່ຽວ​ກັບ​ຮ່ວງ​ເງິນ 400 ຕື້​ກີບ ເພື່ອ​ແກ້​ໄຂ​ໜີ້​ສິນ​ໂຄງການ​ລົງທຶນ​ຂອງ​ລັດ ແລະ 300 ຕື້​ກີບ ເພື່ອ​ແກ້​ໄຂ​ໜີ້​ພັນທະບັດ ເພື່ອຮັບປະກັນ​ໃຫ້​ແກ່​ການ​ນຳ​ໃຊ້​ຮ່ວງເງິນ​ດັ່ງກ່າວ​ຖືກ​ເປົ້າ​ໝາຍ ແລະ ມີ​ປະ​ສິດທິ​ຜົນ ແລະ ການ​ຊຳລະໜີ້​ສິນ​ຂອງ​ລັດຖະບານ
ສຳລັບໂຄງ​ການຈັດຕັ້ງ​ປະຕິບັດ​ສຳເລັດ 100% ເຫັນ​ວ່າ​ມີ​ຄວາມ​ຊັກ​ຊ້າ ແລະບໍ່​ທັນ​ໄດ້​ຈັດ​ຕັ້ງ​ປະຕິບັດ ເພື່ອ​ເຮັດ​ໃຫ້ການ​ຄຸ້ມ​ຄອງ​ການຊຳລະ​ໜີ້​ສິນ​ມີ​ຄວາມ​ປອດ​ໃສ ຫັນເຂົ້າ​ສູ່​ລະບຽບ​ກົດໝາຍ ແລະປະຕິ​ບັດ​ຕາມ​ພາລະ​ບົດບາດ​ຂອງແຕ່​ລະ​ຂະແໜງການ ເຊິ່ງ​ໄດ້​ມີການ​ປັບປຸງ​ກົນ​ໄກ​ການ​ຊຳລະ​ໜີ້ສິນ ລະຫວ່າງ​ກະຊວງ​ແຜນການ ແລະການ​ລົງທຶນ​ຄຸ້ມ​ຄອງ ແລະ ກະຊວງ​ການ​ເງິນ​ຄຸ້ມ​ຄອງ​ຢ່າງຈະແຈ້ງ ພາຍຫຼັງ​ຄະນະ​ປະຈຳສະພາ​ແຫ່ງ​ຊາດ ໄດ້​ຮັບຮອງແຜນການ​ຊຳລະ​ໜີ້​ສິນ​ໂຄງການລົງທຶນ​ຂອງ​ລັດ 400 ຕື້​ກີບ ກະຊວງ​ການ​ເງິນ​ໄດ້​ມອບ​ເພດານ ແຜນການ​ຊຳລະ​ໜີ້​ສິນ​ໃຫ້​ກະຊວງ​ແຜນການ ແລະ ການ​ລົງທຶນ ເພື່ອ​ຄົ້ນຄວ້າ​ຈັດ​ສັນ​ເປັນແຕ່​ລະ​ຂະແໜງການ ແລະ ໂຄງການ ສະເພາະການ​ຊຳລະ​ໜີ້​ສິນພັນທະບັດ 300 ຕື້​ກີບນັ້ນ​ ກະຊວງ​ການ​ເງິນ​ໄດ້​ມີ​ການ​ແຕ່ງຕັ້ງຄະນະ ໂດຍ​ການ​ເຂົ້າ​ຮ່ວມ​ຈາກກະຊວງ​ແຜນການ ແລະ ການລົງທຶນ ແລະ ທະນາຄານແຫ່ງ ສປປ ລາວ ເພື່ອ​ຄົ້ນຄວ້າ​ກົນ​ໄກ ຫຼັກການ ແລະ ວິທີ​ການ ແລະເປັນ​ບ່ອນ​ອີງ​ໃນ​ການ​ຈັດ​ສັນແຜນ​ຊຳລະ ໂດຍ​ຄຳນຶງ​ເຖິງຄວາມ​ໂປ່ງ​ໃສ ແລະສາມາດກວດ​ສອບ​ໄດ້.
ນອກຈາກ​ນີ້ ທ່ານ​ລັດ​ຖະ​ມົນຕີ​ກະຊວງ​ການ​ເງິນ​ ຍັງ​ໄດ້​ຊີ້​ແຈງຕໍ່​ກັບ​ບັນຫາ​ພະນັກງານ​ຂະແໜງການ​ເງິນ​ຈຳນວນ​ໜຶ່ງ​ ຍັງ​ມີ​ທັດສະ​ນະ​ແນວ​ຄິດ​ການເມືອງ​ບໍ່​ໜັກແໜ້ນ ໃນ​ການ​ປະຕິບັດ​ໜ້າທີ່​ວິຊາ​ສະເພາະ ບັນຫາ​ກ່ຽວ​ກັບ​ພະນັກງານ​ອາສາ​ສະໝັກ ຫຼື ສັນຍາຈ້າງ​ເປັນ​ຈຳນວນ​ຫຼວງຫຼາຍ ຂະແໜງ​ການ​ເງິນ ທັງ​ສູນ​ກາງ ແລະທ້ອງຖິ່ນ ເປັນຕົ້ນ​ແມ່ນ ຂະແໜງ​ລາຍ​ຮັບ​ສ່ວຍ​ສາ​ອາກອນພາສີ ແລະ ອື່ນໆ ເຊິ່ງ​ເປັນ​ສາເຫດ​ໜຶ່ງ​ເຮັດ​ໃຫ້ການ​ເກັບ​ລາຍຮັບ​ມີ​ລັກສະນະ​ຮົ່ວ​ໄຫຼ ແລະບໍ່ບັນລຸ​ຕາມ​ແຜນການ ແລະບັນຫາ​ອື່ນ​ທີ່​ກ່ຽວຂ້ອງ​ກັບ​ຂະແໜງການ​ເງິນ.
ສຳລັບ​ການ​ແກ້​ໄຂ​ຜົນ​ກວດສອບ​ກະຊວງ​ການ​ເງິນ ໄດ້​ດຳເນີນການ​ແກ້​ໄຂ​ເປັນ​ສ່ວນ​ໃຫຍ່​ແລ້ວ ເນື່ອງ​ຈາກ​ວ່າການ​ແກ້​ໄຂ​ບັນຫາດັ່ງກ່າວ ໄດ້​ຕິດ​ພັນ​ກັບ​ບັນດາ​ຫົວໜ່ວຍ​ທຸລະ​ກິດ​ຢູ່​ຂັ້ນ​ທ້ອງຖິ່ນ ຈຶ່ງຕ້ອງ​ໄດ້​ໃຊ້​ເວລາ​ລົງ​ສົມທົບ​ຕົວຈິງ​ສຳລັບ​ພາຍ​ໃນ ບັນດາ​ກົມ​ຢູ່ກະຊວງ​ການ​ເງິນ ແມ່ນ​ໄດ້​ແຕ່ງຕັ້ງ​ຄະນະ​ຮັບຜິດຊອບ​ແກ້​ໄຂ​ຢູ່​ແຕ່ລະ​ກົມ ໂດຍ​ມີ​ທ່ານ​ຮອງ​ນາຍົກລັດຖະມົນຕີເປັນ​ຫົວໜ້າ​ຄະນະ ເພື່ອ​ຊີ້​ນຳ​ແກ້​ໄຂ​ແຕ່​ລະ​ບັນຫາຕາມ​ຜົນ​ການ​ກວດ​ສອບ​ ຄາດ​ວ່າທ້າຍ​ເດືອນ​ມິຖຸນາ 2017 ຈະ​ສຳເລັດ.
ແຫຼ່ງຂ່າວ: ໜັງສືພິມ ວຽງຈັນໃໝ່

ທຣຳ ເຜີຍກົນລະຍຸດເພີ່ມເພື່ອຂວ້ຳບາດ ສປປ ເກົາຫລີ

ອາ​ເມ​ລິ​ກາ​ກຽມ​ອອກ​ມາດ​ຕະການ​ຂວ້ຳບາດ​ເພີ່ມ​ອີກ ແລະ ໃຊ້ການ​ທູດ​ກົດ​ດັນ​ໃຫ້ ສປປ
ເກົາຫລີ ຢຸດ​ໂຄງການ​ພັດທະນາ​ນິວ​ເຄຼຍ
ແລະ ລູກ​ສອນ​ໄຟ.
ກົນລະຍຸດ​ຂອງ​ປະທານາທິບໍດີ ໂດ​ນັນ ທຣຳ ຖືກ​ປະກາດ​ພາຍຫລັງ​ການ​ບັນ​ລະ​ຍາຍ​ສະຫລຸບ​ຕໍ່ສະມາຊິກ​ວຸດ​ທິສະພາ​ອາ​ເມ​ລິ​ກາ 100 ຄົນ.
ກ່ອນ​ໜ້າ​ນີ້, ຜູ້​ບັນຊາ​ການ​ກອງທັບ​ອາ​ເມ​ລິ​ກາ​ໃນ​ພາກພື້ນປາຊີຟິກ ໄດ້​ກ່າວ​ປົກ​ປ້ອງ​ການ​ສົ່ງ​ລະບົບ​ປ້ອງ​ກັນ​ລູກ​ສອນ​ໄຟ​ໄປ​ຕິດຕັ້ງຢູ່ ສ.​ເກົາຫລີ ໂດຍ​ຄວາມ​ເຄັ່ງ​ຕຶງ​ພວມ​ເພີ່ມ​ຂຶ້ນ ທ່າມກາງ​ຄວາມ​ກັງວົນ​ວ່າ: ສປປ ເກົາຫລີ ພວມ​ວາງ​ແຜນ​ຈະ​ທົດ​ລອງ​ອາວຸດ​ເທື່ອ​ໃໝ່.
ຖະ​ແຫລ​ງການ​ຮ່ວມ​ຂອງ​ທ່ານ ເຣັກ ທິວ​ເລີ​ສັນ ລັດຖະມົນຕີ​ຕ່າງປະ​ເທດ​ອາ​ເມ​ລິ​ກາ, ທ່ານ ຈິ​ມ ແມດ​ທິສ ລັດຖະມົນຕີ​ປ້ອງ​ກັນ​ປະ​ເທດ ແລະ ທ່ານ ແດນ ໂຄສ ຜູ້ອຳນວຍການ​ສຳນັກງານ​ຂ່າວ​ແຫ່ງ​ຊາດ​ອາ​ເມ​ລິ​ກາ ລະບຸ​ວ່າ: ອາ​ເມ​ລິ​ກາ​ຕ້ອງການ​ໃຫ້​ເກີດ​ສະຖຽນ​ລະ​ພາບ ແລະ ການ​ປົດ​ອາວຸດ​ນິວ​ເຄຼຍຢ່າງສັນຕິ​ຢູ່​ແຫລມ​ເກົາຫລີ.
ຖະ​ແຫລ​ງການ​ຂອງ​ອາ​ເມ​ລິ​ກາ ລະບຸ​ວ່າ: ພວກ​ເຮົາ​ຍັງ​ເປີດ​ຮັບ​ການ​ເຈລະຈາ ເພື່ອ​ໃຫ້​ບັນລຸ​ເປົ້າໝາຍ​ນັ້ນ, ແຕ່​ພວກ​ເຮົາ​ກໍ​ກຽມພ້ອມ ເພື່ອ​ປ້ອງ​ກັນ​ຕົນ​ເອງ ແລະ ພັນທະ​ມິດ. ເປົ້າໝາຍ​ຂອງ​ປະທານາທິບໍດີ ຄື​ການ​ກົດ​ດັນ ສປປ ເກົາຫລີ ໃຫ້​ຍົກ​ເລີກ​ໂຄງການ​ນິວ​ເຄຼຍ, ລູກ​ສອນ​ໄຟ ແລະ ຢຸດ​ການ​ແຜ່​ກະຈາຍ​ອາວຸດ ໂດຍ​ໃຊ້​ວິທີ​ຂວ້ຳບາດ​ທາງ​ເສດຖະກິດ​ເພີ່ມ​ອີກ ແລະ ໃຊ້​ມາດ​ຕະການ​ທາງ​ການ​ທູດ​ຮ່ວມ​ກັບປະ​ເທດ​ພັນທະ​ມິດ
ແລະ ຫຸ້ນ​ສ່ວນ​ຂອງ​ພວກ​ເຮົາ.
ທ່ານ ບາຣບາຣາ ເພ​ລັດ ອາ​ເຊີ ນັກ​ຂ່າວ BBC ປະຈຳ​ນະຄອນຫລວງ​ວໍ​ຊິງ​ຕັນ ຂອງ​ອາ​ເມ​ລິ​ກາ ພວມ​ກັງວົນ​ຕໍ່​ຄວາມ​ກ້າວໜ້າ​ໃນ​ເຕັກ​ໂນ​ໂລ​ຊີ​ດ້ານ​ປ້ອງ​ກັນ​ປະ​ເທດ​ຂອງ ສປປ
ເກົາຫລີ ເຊິ່ງອາດ​ຈະ​ມີ​ຂີດ​ຄວາມ​ສາມາດ​ໂຈມ​ຕີ​ອາ​ເມ​ລິ​ກາ ດ້ວຍ​ຫົວ​ຮົບ​ນິວ​ເຄຼຍ​ໄດ້​ກ່ອນ​ວາລະ​ການ​ດຳລົງ​ຕຳ​ແໜ່​ງຂອງ​ປະທານາທິບໍດີ ທຣຳ ຈະ​ໝົດ​ລົງ.
ຖ້າ​ອາ​ເມ​ລິ​ກາ​ຈະ​ແຊກ​ແຊງ​ດ້ວຍ​ການ​ທະຫານ ເພື່ອຢັບຢັ້ງຄວາມ​ສ່ຽງ​ນັ້ນ ຈະ​ຕ້ອງ​ຖືກ​ຕໍ່ຕ້ານ​ທ່າມກາງ​ອັນຕະລາຍ, ແຕ່​ປະທານາທິບໍດີ ທຣຳ ໄດ້​ພະຍາຍາມ​ໃຊ້​ວິທີການ​ເວົ້າ​ເພື່ອ​ສື່ສານ​ວ່າ: ນີ້​ເປັນຄວາມ​ສ່ຽງ​ທີ່​ເຊື່ອ​ຖື​​ໄດ້.
ກຸນ​ແຈ​ສຳຄັນ​ຂອງ​ແຜນ​ນີ້ ຄື​ການ​ກົດ​ດັນ​ໃຫ້​ຈີນ​ໃຊ້​ອິດ​ທິພົນ​ໄປ​ກົດ​ດັນ​ໃຫ້ ສປປ ເກົາຫລີ ຍົກ​ເລີກ​ໂຄງການ​ອາວຸດ​ນິວ​ເຄຼຍ ເຖິງ​ວ່າ​ຖະ​ແຫລ​ງການ​ຂອງ​ອາ​ເມ​ລິ​ກາ​ຈະ​ລະບຸ​ວ່າ: ເປີດ​ຮັບ​ການ​ເຈລະຈາ, ແຕ່​ຫລາຍ​ຝ່າຍ ກະທັ້ງຜູ້​ຊ່ຽວຊານ​ຢູ່​ນະຄອນຫລວງ​ວໍ​ຊິງ​ຕັນ​ເອງ ເບິ່ງ​ວ່າ​ລັດຖະບານ ສປປ ເກົາຫລີ ຍັງ​ບໍ່​ມີ​ທາງ​ຍອມຮັບ​ເງື່ອນ​ໄຂ​ດັ່ງກ່າວ.
ທ່ານ ຄຣິສ​ໂຕ​ເຟີ ຄູນ​ສ໌ ສະມາຊິກ​ວຸດ​ທິສະພາ​ຈາກ​ພັກ​ເດ​ໂມ​ແຄຣດ ກ່າວ​ຕໍ່​ນັກ​ຂ່າວ​ວ່າ: ມີ​ການ​​ເວົ້າ​ເຖິງ​ທາງ​ເລືອກ​ດ້ານ​ການ​ທະຫານ​ລະຫວ່າງ​ການບັນ​ລະ​ຍາຍ​ສະຫລຸບ​ຂອງ​ປະທານາທິບໍດີ ໂດຍ​ທ່ານ​ຮູ້ສຶກ​ວ່າ: ເປັນ​ການ​ບັນ​ລະ​ຍາຍ​ສະຫລຸບ​ທີ່​ສຸຂຸມ
ເຊິ່ງມີ​ຄວາມ​ຈະ​ແຈ້ງວ່າ: ລັດຖະບານ​ອາ​ເມ​ລິ​ກາ​ຄິດ ແລະ ວາງ​ແຜນ​ເພື່ອ​ກໍລະນີ​ຈຳ​ເປັນ​ຈະ​ຕ້ອງ​ໃຊ້​ທາງ​ເລືອກ​ດ້ານ​ການ​ທະຫານ
ແລະ ກົນລະຍຸດ​ທາງ​ການ​ທູດ​ກໍ​ເໝາະ​ສົມ​ຕໍ່​ຄວາ​ມສ່ຽງ​ແລ້ວ.
ເຖິງ​ຢ່າງ​ໃດ​ກໍ​ຕາມ, ປັດຈຸບັນ​ນີ້ ສປປ ເກົາຫລີ ພວມ​ຖືກ​ສະຫະ​ປະຊາ​ດ​ໃຊ້​ມາດ​ຕະການ​ຂວ້ຳບາດ​ທີ່​ເຂັ້ມງວດ​ຕໍ່​ໂຄງການ​ອາວຸດ​ຢູ່​ແລ້ວ.
ກ່ອນ​ໜ້າ​ນີ້, ພົນ​ເຮືອ​ເອກ​ແຮຣີ ແຮ​ຣິສ ຜູ້​ບັນຊາ​ການ​ກອງທັບ​ອາ​ເມ​ລິ​ກາ​ພາກພື້ນປາຊີ​ຟິກ ກ່າວ​ວ່າ: ອາ​ເມ​ລິ​ກາ​ກຽມພ້ອມ​ດ້ວຍ​ເຕັກ​ໂນ​ໂລ​ຊີ​ດີ​ທີ່​ສຸດ ເພື່ອ​ກຳຈັດ​ຄວາມ​ສ່ຽງ​ໃດໆ​ກໍ​ຕາມ​ຈາກ​ລູກ​ສອນ​ໄຟ ແລະ ອ້າງ​ວ່າການ​ຕິດຕັ້ງລະບົບ​ປ້ອງ​ກັນ​ລູກ​ສອນ​ໄຟ THAAD ຢູ່ ສ.​ເກົາຫລີ ມີ​ຈຸດປະສົງ​ເພື່ອ​ໃຫ້​ທ່ານ ກິມຈຸ​ງອິນ ຜູ້ນຳ ສປປ ເກົາຫລີ ຄົ້ນຄິດ​ຄືນ​ໃໝ່. ພົນ​ເຮືອ​ເອກ​ ແຮຣິສ ເຊື່ອ​ວ່າ: ສປປ
ເກົາຫລີ ຈະ​ພະຍາຍາມ​ໂຈມ​ຕີ​ອາ​ເມ​ລິ​ກາ​ທັນທີ​ທີ່​ມີ​ຂີດ​ຄວາມ​ສາມາດ​ທາງ​ດ້ານ​ການ​ທະຫານ.
ສ່ວນ​ຈີນ​ເບິ່ງວ່າ: ການ​ຕິດຕັ້ງລະບົບ​ປ້ອງ​ກັນ​ລູກ​ສອນ​ໄຟ THAAD ຈະ​ສົ່ງ​ຜົນ​ກະທົບ​ຕໍ່​ສະຖຽນ​ລະ​ພາບ ແລະ ຢູ່ ສ.​ເກົາຫລີ ເອງ​ກໍ​ມີ​ຜູ້​ອອກ​ມາ​ປະ​ທ້ວງ ເຊິ່ງ​ເຮັດ​ໃຫ້​ມີ​ຜູ້​ໄດ້​ຮັບ​ບາດ​ເຈັບ 3 ຄົນ ລະຫວ່າງ​ປະ​ທະ​ກັບ​ຕຳຫລວດ. ຂະນະ​ທີ່​ຂະ​ບວນລົດ​ບັນທຸກ​ລະບົບ​ປ້ອງ​ກັນ​ລູກ​ສອນ​ໄຟ​ເຄື່ອນ​ທີ່​ເຂົ້າ​ໄປ​ສະໜາມກ໊ອຟ​ເກົ່າ
ໃນ​ວັນ​ທີ 26 ເມສາ.

ວິເຄາະລັດທິ

ແມ່ນບໍ່ວ່າ ລັດທິມາກ - ເລນິນ “ມາຈາກ ພາຍນອກ, ເລີ່ມຈາກໂລກຕາເວັນຕົກ ດັ່ງນັ້ນ ຈຶ່ງບໍ່ສອດຄ່ອງກັບຫວຽດນາມ” ຫຼືແນວໃດ?
ວ.ກ.ອອນ​ໄລ - ຄວາມ​ເປັນ​ຈິງ​ແຫ່ງ​ປະຫວັດສາດ​ໃຫ້​ເຫັນ​ວ່າ, ນັບ​ແຕ່​ມື້​ເປັນ​ຮູບ​ເປັນ​ຮ່າງ ຂະຫຍາຍຕົວ ແລະ ​​ກໍ່​ຕັ້ງ​ຂຶ້ນ ໃນ​ທ້າຍ​ສະຕະວັດ​ທີ XIX, ທິດ​ສະ​ດີ​ມາກ-ເລ​ນິນ
ແລະ ບັນດາມູນ​ຫຼັກ ກົດ​ເກນ​ເສດຖະກິດ-ສັງຄົມ ຊຶ່ງ​ທິດ​ສະ​ດີ​ດັ່ງກ່າວ​ຄົ້ນ​ເຜີຍ​ອອກ​ມາ​ນັ້ນ ນັບ​ມື້​ນັບ​ໄດ້​ຮັບ​ການ​ພິສູດຢັ້ງຢືນ​ ດ້ວຍ​ພຶດຕິ​ກຳ​ແຫ່ງ​ຊີ​ວິດ, ໄດ້​ຮັບ​ການ​ຮັບ​ຮູ້​ຢ່າງ​ກວ້າງຂວາງ ແລະ ກາຍ​ເປັນ​ຮາກ​ຖານ​ແນວ​ຄິດ ເປັນ​ເຂັມທິດ​ຊີ້​ທາງ ໃຫ້​ແກ່​ການ​ເຄື່ອນ​ໄຫວ​ປະຕິວັດ​ ຂອງ​ຊົນ​ຊັ້ນ​ກຳມະກອນ, ເປັນ​ອາວຸດ​ທິດ​ສະ​ດີ​ອັນ​ແຫຼມຄົມ ຂອງ​ຊົນ​ຊັ້ນ​ກຳມະກອນ ແລະ ປະຊາຊົນ​ຜູ້​ອອກ​ແຮງ​ງານ
ແລະ ຂອງ​ບັນດາ​ພັກ​ການ​ເມືອງ​ຜູ້ນຳ​ໜ້າ ທີ່​ແທ້​ຈິງ​ ຂອງ​ຊົນ​ຊັ້ນ​ດັ່ງກ່າວຢູ່​ໃນ​ໂລກ ຊຶ່ງ​​ໃນ​ນັ້ນ​ມີ​ຫວຽດນາມ.
ໃນ​ຕະຫຼອດ​ສະຕະວັດ​ທີ່​ຜ່ານ​ມາ, ເປັນ​ຕົ້ນ​ແມ່ນ​ໃນ​ສອງ​ສາມ​ທົດ​ສະ​ວັດ​ທ້າຍ​ສະຕະວັດ​ທີ XX, ພິ​ເສດ​ແມ່ນ​ພາຍຫຼັງ​ທີ່​ລັດທິ​ສັງຄົມ​ນິຍົມ
ເປັນ​ຈິງ ຢູ່​ສະຫະພາບ​ໂຊ​ວຽດ​ແລະ​ຢູ່​ບັນດາ​ປະ​ເທດ​ເອີຣົບຕາເວັນ​ອອກ ຖືກ​ພັງ​ທະລາຍລົງ, ລັດ​ທິມາກ - ເລ​ນິນ​ໄດ້​ຖືກ​ບິດ​ເບືອນ ເສກ​ສັນ​ປັ້ນ​ແຕ່ງ​ຢ່າງ​ສວຍ​ໂອກາດ ຫຼືຄຳ​ພີ​ຊີ​ຊົງ​ທຸກ​ຊະນິດ. ນັບ​ແຕ່​ຕົ້ນ​ສະຕະວັດທີ XXI ມາ​ເຖິງ​ປັດຈຸບັນ, ກົນອຸບາຍບິດ​ເບືອນ ເສກ​ສັນ​ປັ້ນ​ແຕ່ງ​ລັດ​ທິມາກ - ເລ​ນິນ​ ຊ້ຳພັດ​ເພີ່ມ​ທະວີ​ຂຶ້ນທາງດ້ານຂະໜາດ ກໍ່​ຄືຮູບ​ການ, ມີ​ລັກສະນະ​ອັນຕະລາຍ ແລະ​ໂຫດ​ຫ້ຽມ​ເລິກ​ແລບ​ກວ່າ​ເກົ່າ. ບັນດາ​ອິດ​ທິກຳລັງສັດຕູ​ມີ​ກົນອຸບາຍ​ບຸກ​ໂຈມ​ຕີ​ໂດຍ​ກົງ​ໃສ່ ທິດ​ສະ​ດີ​ວິທະຍາສາດ ແລະ​ປະຕິວັດ​ດັ່ງກ່າວ​ນັ້ນ ເພື່ອ​ແນ​ໃສ່​ຍຸບ​ຍອບ​ອິດ​ທິພົນ, ນັບ​ທັງ​ປ້າຍ​ສີ​ຊີວິດ​ສ່ວນ​ຕົວ ແລະ​ພາລະກິດ​ປະຕິວັດ​ຂອງ​ ກ.ມາກ, ຟ.ອັງ​ແກນ ແລະ ວ.ອີ.ເລ​ນິນ; ພວກ​ເຂົາ​ພະຍາຍາມ​ປະຕິບັດ​ກົນອຸບາຍປະຕິ​ເສດ ລົບ​ລ້າງລັດ​ທິມາກ - ເລ​ນິນ​ ທັງ​ໝັດ​ໃນ​ໂລກ, ຜິປອງ​ທຳລາຍ ມ້າງ​ເພຮາກ​ຖານ​ແນວ​ຄິດ​ການ​ເມືອງ​ຂອງ​ພັກ​ກອມ​ມູນິດ​ຫວຽດນາມ. ອາດ​ຈະ​ເຫັນ​ໄດ້​ຢ່າງ​ງ່າຍດາຍ​ວ່າ ພວກ​ເຂົາ​ກຳລັງ​ພະຍາຍາມ​ໂຄສະນາ ຕີ​ຄ້ອງ​ຮ້ອງ​ປ່າວ​ໃຫ້​ແກ່​ທັດສະນະ​ທີ່​ວ່າ: “ທິດ​ສະ​ດີ​ມາກ​ແມ່ນຜະລິດ​ຕະພັນ​ຂ​ອງສະຕະວັດ​ທີ XIX, ດັ່ງ​ນັ້ນ​ເມື່ອ​ເອົາ​ມາ​ຕັ້ງ​ໄວ້​ໃນ​ສະພາບ​ແວດ​ລ້ອມ​ຂອງ​ສະຕະວັດ​ທີ XXI ຖ້າ​ຫາກ​ມັນ​ບໍ່​ຫຼ້າ​ຫຼັງ ມັນ​ກໍ່​ບໍ່​ອາດ​​ເປັນ​ວິທະຍາສາດ​ໄດ້”(!); “ລັດ​ທິມາກ - ເລ​ນິນ​​ເປັນ​ສິ່ງ​ທີ່​ມາ​ຈາກ​ພາຍ​ນອກ, ເລີ່​ມຈາກ​ໂລກ​ຕາ​ເວັນ​ຕົກ ດັ່ງ​ນັ້ນ​ຈຶ່ງ​ບໍ່​ສອດຄ່ອງ​ກັບ​ຫວຽດນາມ”,
ໆ​ລໆ.. (!).
ແຕ່, ຄວາມ​ຈິງ​ແມ່ນ​ຄື​ກັບ​ສິ່ງທີ່​ບັນດາ​ອິດທິກຳລັງ​ສັດຕູ​ຂອງລັດ​ທິມາກ - ເລ​ນິນ​ ໄດ້​ໂຄສະນາ ຫຼື​ແນວ​ໃດ?
ກ.ມາກ, ຟ.ອັງ​ແກນ, ວ.ອີ.ເລ​ນິນ ແມ່ນ​ບັນດາ​ນັກວິທະຍາສາດ - ນັກ​ປະຕິວັດ. ອຸດົມ​ຄະຕິ​ຂອງ​ພວກ​ເພີ່ນ ແມ່ນ​ຄວາມ​ມຸ່ງ​ມາດ​ປາຖະໜາ ຂອງ​ມະນຸດຊາດ​ຜູ້​ກ້າວໜ້າ ນັ້ນ​ຄື: ມະ​ນຸດ​ໄດ້​ຮັບ​ການ​ປົດ​ປ່ອຍ​ຢ່າງ​ສົມບູນ​ໃຫ້​ພົ້ນ​ອອກ​ຈາກ​ການ​ກົດ​ຂີ່​ຂູດ​ຮີດ​ທຸກ​ຢ່າງ, ໄດ້​ກິນອິ່ມນຸ່ງ​ອຸ່ນສຸກ​ກາຍ​ສະ​ບາຍ​ໃຈ ມີ​ເສລີພາບ
ແລະ​ຜາ​ສຸກ. ຂໍ​ຖາມ​, ແມ່ນ​ບໍ່​ວ່າ ສິ່ງ​ສັກສິດ​ຄື​ແນວ​ນັ້ນ​ມີ​ພຽງ​ໂລກ​ຕາ​ເວັນ​ຕົກ​ຕ້ອງການ​ແຕ່​ຜູ້​ດຽວ ແລະ ອຸດົມ​ຄະຕິ​ຂອງ​ພວກ​ເພີ່ນ​ພຽງ​ແຕ່​ສອດຄ່ອງ​ກັບ​ໂລກ​ຕາ​ເວັນ​ຕົກ​ເທົ່າ​ນັ້ນ ຫຼື​ແນວ​ໃດ ຊຶ່ງລັດທິ​ທຶນ​ນິຍົມ ພວມ​ຢຽບ​ຢ່ຳ​ຍ່ຳ​ຍີ່​ຢ່າງ​ເລິກ​ແລບ​ແນບ​ນຽນ ໃສ່ຊາຕາກຳ​ຂອງ​ແຕ່ລະຄົນ ກໍ່​ຄື​ຂອງ​ບັນດາ​ຊົນ​ຊາດ? ທິດ​ສະ​ດີ​ທີ່​ພວກ​ເພີ່ນ​ກໍ່​ຕັ້ງ​ຂຶ້ນ
ແລະ​ພະຍາຍາມ​ປົກ​ປັກ​ຮັກສາ​ຢ່າງ​ບໍ່​ອິດ​ເໝື່ອຍນັ້ນ ແມ່ນ​ເພື່ອ​ແນ​ໃສ່​ຫັນ​ອຸດົມ​ຄະຕິ​ດັ່ງກ່າວ​ໃຫ້​ເປັນ​ຄວາມ​ຈິງ, ບົນ​ພື້ນຖານ​ປະຫວັດສາດ​ຕົວ​ຈິງ, ຢ່າງ​ພາວະ​ວິ​ໄສ​ຕາມ ໂລ​ຊິກ​ແຫ່ງ​ການ​ພັດທະນາ​ຈຳ​ເປັນ​ແນ່ນອນ​ຂອງ​ມະ​ຂຸດ​ຊາດ , ດ້ວຍ​ວິທີ “ຜ່າຕັດ” ແລະ​ຫັນປ່ຽນ​ປະຕິວັດ​ຕໍ່​ກັບ​ສັງຄົມ​​ໃນສະ​ໄໝ​ນັ້ນໆ. ເວົ້າ​ຢ່າງ​ອື່ນ, ທິດ​ສະ​ດີ​ຂອງ​ພວກ​ເພີ່ນ​ພຽງ​ແຕ່​ຊ່ວຍ​ໃຫ້​ມະ​ຂຸດ​ຊາດ ຄັດ​ເລືອກ​ເອົາ​ສິ່ງທີ່​ຄວນ ແລະ ຕ້ອງ​ໄປ​ຕາມ​ເສັ້ນທາງ​ ພາ​ໄປ​ເຖິງສັງຄົມ​ທີ່​ບໍ່​ມີ​ຄົນ​ຂູດ​ຮີດ​ຄົນ , ດ້ວຍ​ບັນດາ ກຳລັງ ຕັດສິນ​ເບື້ອງ​ຕົ້ນ ບັນດາ​ເງື່ອນ​ໄຂ ທີ່​ມີ​ລັກສະນະ​ຕ້ອງການ ແລະ​ພຽງພໍ, ເມື່ອຢືນ​ຢູ່ສາມ​ແຍກ​ປະຫວັດສາດ​ແຫ່ງ​ການ ຄັດ​ເລື​ອກ ແລະ​ຕ້ອງ​ຕັດສິນຕົກລົງ . ຂໍ​ຖາມ,
ໂລກ​ຕາ​ເວັນ​ອອກ ຊຶ່ງ​ເປັນ​ບ່ອນ​ທີ່​ລັດທິ​ລ່າ​ເມືອງ​ຂຶ້ນພວມ​ກົດ​ຂີ່​ຂົ່ມເຫັງ ບັນດາ​ປະຊາ​ຊາດນັ້ນ ຈະ​ຕ້ອງການ​ສິ່ງ​ດັ່ງກ່າວ​ຫຼື​ບໍ່? ຫຼື​ວ່າ ມີ​ພຽງ​ໂລກ​ຕາ​ເວັນ​ຕົກ ຊຶ່ງ​ເປັນ​ບ່ອນ​ທີ່​ປະຊາຊົນ​ຜູ້​ອອກ​ແຮງ​ງານ​ ໃນ​ບັນດາ​ປະ​ເທດ​ທຶນ​ນິຍົມ ກຳລັງ​ຖືກ​ຊົນ​ຊັ້ນ​ນາຍທຶນ ກົດ​ຂີ່​ຂູດ​ຮີດ, ຈຶ່ງ​ຕ້ອງການ​ສິ່ງ​ດັ່ງກ່າວ​ນັ້ນ?
ຄວາມ​ຕ້ອງການ, ຄວາມ​ສອດຄ່ອງ, ບົດບາດ​ເປັນ​ຮາກ​ຖານ, ພື້ນຖານ​​ແນວ​ຄິດ​ທິດ​ສະ​ດີ, ເປັນ​ເຂັມທິດ​ຊີ້​ທາງ​​ໃຫ້​ແກ່​ການ​ເຄື່ອນ​ໄຫວ​ປະຕິວັດ ຂອງລັດ​ທິມາກ - ເລ​ນິນ​ ຕໍ່​ກັບ​ປະຫວັດສາດ​ແຫ່ງ​ການ​ຂະຫຍາຍຕົວ​ຂອງ​ການ​ປະຕິວັດ​ໂລກ ແລະ ຫວຽດນາມ​ນັ້ນ ອາດ​ຈະ​ສັງ​ລວມຢູ່​ໃນ​ບາງ​ຈຸດ​ຕົ້ນຕໍ​ລຸ່ມ​ນີ້ :
1- ການ​ເຄື່ອນ​ເໜັງ, ການ​ຂະຫຍາຍຕົວ​ແຕ່​ຍຸກ​ບູຮານ​ມາ​ເຖິງ​ປັດຈຸບັນ​ຂອງ​ມະນຸດຊາດ
ແລະ​ຂອງ​ປະຫວັດສາດ​ແຫ່ງ​ຊາດ​ຫວຽດນາມ
ເປັນ​ຫຼັກ​ຖານ​ພະຍານ​ອັນ​ຈະ​ແຈ້ງ​ ທີ່ຢືນ​ຢັນ​ວ່າ, ທິດ​ສະ​ດີ​ຮູບ​ຖານ​ເສດຖະກິດ-ສັງຄົມ​ຂອງລັດ​ທິມາກ - ເລ​ນິນ ແມ່ນ​ວິທະຍາສາດ ຖືກຕ້ອງ
ແລະ​ສ່ອງ​ແສງ​ຢ່າງ​ຊັດ​ເຈນ​ເຖິງ​ປະຫວັດສາດ​ແຫ່ງ​ການ​ເຄື່ອນ​ເໜັງ ຂະຫຍາຍຕົວ​ຈະ​ເລີ​ນກ້າວໜ້າ ຂອງ​ມະນຸດຊາດ​ທັງ​ໝົດ, ໃນ​ນັ້ນ​ມີ​ຊາດ​ຫວຽດນາມ.
ທຸກ​ຄົນ​ລ້ວນ​ແຕ່​ຮູ້​ແລ້ວ​ວ່າ, ທິດ​ສະ​ດີ​ຮູບ​ຖານ​ເສດຖະກິດ-ສັງຄົມ ແມ່ນ​ພື້ນຖານ​ທິດ​ສະ​ດີ
ແລະ​ວິທີ​ວິທະຍາ​ຂອງລັດ​ທິມາກ - ເລ​ນິນ​ ທີ່​​ໃຊ້​ເພື່ອ​ເຂົ້າ​ເຖິງ​ການ​ຄົ້ນຄວ້າ, ອະທິ​ບາຍ, ຄາດ​ຄະ​ເນ​ການ​ຂະຫຍາຍຕົວ​ທີ່​ມີ​ລັກສະນະ​ປະຫວັດສາດ - ທຳ​ມະ​ຊາດ ຂອງ​ສັງຄົມ​ມະນຸດ​ເວົ້າ​ລວມ, ຂອງ​ແຕ່​ລະ​ຊາດ​ເວົ້າ​ໂດຍ​ສະ​ເພາະ,
ໃນ​ນັ້ນ​ມີ​ການ​ຂະຫຍາຍຕົວ​ຂອງ​ປະຫວັດ​ສາດ​ຫວຽດນາມ. ທິດ​ສະ​ດີ​ດັ່ງກ່າວ​ໄດ້​ຊີ້​ແຈ້ງ:
- ປະຫວັດສາດ​ການ​ຂະຫຍາຍຕົວ​ຂອງ​ມະນຸດຊາດ ແມ່ນ​ປະຫວັດສາດ​ແຫ່ງ​ການ​ຂະຫຍາຍຕົວ ແລະ ປ່ຽນ​ແທນ​ຊຶ່ງ​ກັນ​ແລະ​ກັນ
ລະຫວ່າງ​ບັນດາ​ຮູບ​ຖານ​ເສດຖະກິດ-ສັງຄົມ,
ໃນ​ນັ້ນ ມີ​ການ​ຂະຫຍາຍຕົວ​ຂອງ​ບັນດາ​ການ​ພົວພັນ​ການ​ຜະລິດ ຕາມ​ທິດ​ກ້າວໜ້າ ທີ່​ເປັນ​ພື້ນຖານໂຄງ​ລ່າງ ຊຶ່ງ​ຢູ່​ເທິງ​ນັ້ນ ໂຄງ​ບົນ​ທີ່​ສອດຄ່ອງ​ໄດ້​ຮັບ​ການ​ສ້າງ​ຕັ້ງ​ຂຶ້ນ.
- ປະຫວັດສາດ​ສັງຄົມມະ​ນຸດ​ໄດ້ ແລະ ພວມ​ຜ່ານ 5 ຮູບ​ຖານ​ເສດຖະກິດ-ສັງຄົມ. ນັ້ນ​ແມ່ນ​ກົດ​ເກນ​ລວມ​ແຫ່ງການ​ຂະຫຍາຍຕົວ​ ຂອງ​ສັງຄົມ​ມະນຸດ; ສ່ວນສຳລັບ​ແຕ່ລະ​ປະຊາ​ຊາດ
ແມ່ນ​ອາດ​ຈະ​ປະ​ຂ້າມ​ຮູບ​ຖານ​ໃດ​ໜຶ່ງ ໂດ​ຍ​ແລ້ວ​ແຕ່​ເງື່ອນ​ໄຂ​ປະຫວັດສາ​ດຂອງ​ຍຸກ​ສະ​ໄໝ
ແລະ ຂອງ​ຊາດ. ຫວຽດນາມ​ປະ​ຂ້າມ​ການ​ຂະຫຍາຍຕົວ​ຂອງ​ຮູບ​ຖານ​ເສດຖະກິດ-ສັງຄົມ ກຳມະ​ສິດ​ຂ້າ​ທາດ ແລະ ຮູບ​ຖານ​ເສດຖະກິດ-ສັງ​ຄົມ​ທຶນ​ນິຍົມ ນັ້ນ​ແມ່ນ​ຄວາມ​ຈິງ​ປະຫວັດສາດ​ພາວະ​ວິ​ໄສ ທີ່​ບໍ່​ອາດ​ຈະ​ປະຕິ​ເສດ​ໄດ້.
ເປັນ​ອັນວ່າ, ບັນດາ​ຜູ້​ກໍ່​ຕັ້ງລັດ​ທິມາກ -
ເລ​ນິນ​ ບໍ່​ພຽງ​ແຕ່ “ຜ່າຕັດ” ບັນດາ​ຮູບ​ຖານ​ເສດຖະກິດ-ສັງຄົມ​​ແບບງ່າຍດາຍ​ເທົ່າ​ນັ້ນ ຫາກ​ຍັງ​ໄດ້​ວິ​ໄຈໄຈ້​ແຍກ​ໃຫ້​ເຫັນ​ແຈ້ງ​ທາດ​ແທ້
ແລະ ບັນດາ​ຄວາມ​ຂັດ​ແຍ່ງ​ພື້ນຖານ​ ຢູ່​ໃນ​ແຕ່ລະ​ຮູບ​ຖານ​​ເສດຖະກິດ-ສັງຄົມ ແລະ ສຸດ​ທ້າຍ ກໍ່​ໄດ້​ຄາດ​ຄະ​ເນ​ການ​ປ່ຽນ​ແທນ​ລະຫວ່າງ​ບັນດາ​ຮູ​ບຖານ​ເສດຖະກິດ-ສັງຄົມ ຈາກ​ຕ່ຳ​ຂຶ້ນ​ສູ່​ສູງ​ຕາມ​ລຳດັບ ຫຼື​ຕາມ​ແບບ​ກ້າວ​ກະ​ໂດດ​ຢ່າງ​ສັດຈະ​ວິພາກ, ຕາມ​ກົດ​ເກນ. ຢ່າງ​ເປັນ​ແບບ​ປະຫວັດສາດ - ທຳ​ມະ​ຊາດ, ຊຶ່ງ​ຄື​ກັນ​ກັບ​ການ​ກ້າວ​​ແຕ່​ລະບອບກອມ​ມູນິດ​ປະຖົມ​ບູຮານ ມະນຸດຊາດ​ໄດ້​ຂຶ້ນ​ສູ່​ລະບອບ​ກຳມະສິດ​ຂ້າ​ທາດ
ແລ້ວ​ຂຶ້ນ​ລະບອບ​ສັກດິນາ ແລະຂຶ້ນ​ສູ່​ລະບອບ​ທຶນ​ນິຍົມ, ດັ່ນນັ້ນ ຫຼັງ​ຈາກ​ຮູບ​ຖານ​ເສດຖະກິດ-ສັງຄົມທຶນ​ນິຍົມ ຕ້ອງ​ແມ່ນ​ຮູບ​ຖານ​ເສດຖະກິດ-ສັງຄົມ​ທີ່​ກ້າວໜ້າ​ກວ່າ, ນັ້ນ​ແມ່ນ​ສັງຄົມ​ກອມ​ມູນິດ​ນິຍົມ. ນັ້ນ​ແມ່ນ​ຄວາມ​ຈຳ​ເປັນ​ປະຫວັດສາດ​ທີ່​ຖືກກັບ​ກົດ​ເກນ ຊຶ່ງ​ວິທະຍາສາດ​ມາກ​ຊິດ​ໄດ້​ຊີ້​ອອກ.
ຍ້ອນລັດ​ທິມາກ - ເລ​ນິນ​ ແມ່ນ​ວິທະຍາສາດ ແລະ ປະຕິວັດ​ຢ່າງ​ເຖິງ​ຖອງ ດັ່ງ​ນັ້ນ ມັນ​ຈຶ່ງ​ແກ້​ໄຂຄວາມ​ຕຶກ​ຕອງ ຄວາມ​ຕ້ອງການ​ເພື່ອ​ກ້າວໜ້າ​ທຸກ​ຢ່າງ ຂອງ​ມະນຸດຊາດ​ຜູ້​ອອກ​ແຮງ​ງານ, ເຖິງ​ວ່າ​ຈະ​ຢູ່​ໂລກ​ຕາ​ເວັນ​ອອກ ຫຼື​ຢູ່​ໂລກ​ຕາ​ເວັນ​ຕົກກໍ່ຕາມ, ຄື​ທີ່ກະ​ໂຕມັນສ່ອງ​ແສງ​​ແຈ້ງ​ສະຫວ່າງ. ຄວາມ​ຈິງ​ແຫ່ງ​ປະຫວັດສາດ​​ໃຫ້​ເຫັນ​ວ່າ, ນັບ​ແຕ່​ເມື່ອ​ລັດທິ​ມາກ​ເປັນ​ຮູບ​ເປັນ​ຮ່າງ ແລະຂະຫຍາຍຕົວ​ ໃນ​ລະຫວ່າງ​ກາງ​ສະຕະວັດ​ທີ XIX, ລະບົບ​ບັນດາ​ແນວ​ຄິດ ທັດສະນະ ແລະບັນດາ​ມູນ​ຫຼັກ ກົກ​ເກນ​ເສດຖະກິດ-ສັງຄົມ ຊຶ່ງ​ລະບົບ​ວິທະຍາສາດ​ນັ້ນ​ຄົ້ນ​ເຜີຍ​ອອກ​ມາ ກໍ່​ນັບ​ມື້​ນັບ​ໄດ້​ຮັບ​ກາ​ນພິສູດ​ຢັ້ງຢືນ​ດ້ວຍ​ພຶດຕິ​ກຳ​ແຫ່ງ​ຊີວິດ​ການ​ເປັນ​ຢູ່, ໄດ້​ຮັບ​ການ​ຮັບ​ຮູ້​ຢ່າງ​ກວ້າງຂວາງ
ແລະກາຍ​ເປັນ​ຮາກ​ຖານ​ແນວ​ຄິດ ເປັນ​ເຂັມທິດ​ຊີ້​ທາງ​ໃຫ້​ແກ່​ການ​ເຄື່ອນ​ໄຫວ​ປະຕິວັດ ຂອງ​ຊົນ​ຊັ້ນ​ກຳມະກອນ​ທົ່ວ​ໂລກ, ເປັນ​ອາວຸດ​ທິດ​ສະ​ດີ​ອັນ​ແຫຼມ​ຄົມ​ຂອງ​ຊົນ​ຊັ້ນ​ກຳມະກອນ ແລະ​ປະຊາຊົນ​ຜູ້​ອອກ​ແຮງ​ງານ ໃນ​ທະວີບ​ຕ່າງໆ ແລະ​ຂອງ​ບັນດາ​ພັກທີ່​ນຳ​ໜ້າ ແທ້​ຈິງ​ຂອງ​ຊົນ​ຊັ້ນ​ດັ່ງກ່າວ​ນັ້ນ, ໂດຍ​ບໍ່​ວ່າ​ຈະ​ຢູ່​ຫວຽດນາມ ຫຼື​ປະ​ເທດ​ອື່ນ​ໃດ, ຊາດ​ອື່ນ​ໃດ ຫຼື​ທະວີບ​ໃດ.
ໃຜໆ​ກໍ່​ອາດ​ຈະ​ເຫັນ​ວ່າ, ນັບ​ແຕ່​ເມື່ອ​ຫາ​ກໍ່​ເປັນ​ພຽງ “​ເງົາ​ຜີ” ຢູ່​ທະວີບ​ເອີຣົບ ລັດທິ​ກອມ​ມູນິດ​ວິທະຍາສາດ​ກໍ່​ໄດ້​ຮັບ​ການ​ທົດ​ລອງ​ໃນ​ພາກ​ປະຕິບັດ​ ດ້ວຍການ​ປະຕິວັດ​ກຳມາ​ຊີບ, ຊຶ່ງ​ໄດ້​ລະ​ເບີດ​ຂຶ້ນ ແລະສຳ​ເລັດ​ຜົນ, ອຳນາດ​ການ​ປົກຄອງ​ຂອງ​ກຳມະກອນ​ຊາວນາ ຖືກ​ສ້າງ​ຕັ້ງ​ຂຶ້ນ​ໃນ​ພາກ​ຕົວ​ຈິງ, ລັດ​ທິສັງຄົມ​ນິຍົມຕົວຈິງໄດ້​ຄົງ​ຕົວ​ຢູ່​ໃນ​ຖານະ​ນາມ​ເປັນ​ລະບົບ​ໜຶ່ງ​ ທີ່​ມີ​ລັກສະນະ​ດີ​ເດັ່ນທຸກ​ຢ່າງ ແລະ​ກຳລັງ​ຊີວິດ​ອັນ​ແຮງ​ກ້າ​ຂອງ​ມັນ ຢູ່​ໃນ​ໂລກ. ມັນ​ແມ່ນ​ວິນ​ຍານ​ຂອງ​ບັນດາ​ຂະ​ບວນການ​ກ້າ​ວໜ້າ, ຊ່ວຍ​ໃຫ້​ບັນດາ​ປະຊາ​ຊາດ​ທັບ​ມ້າງ​ລັດທິ​ຟາດ​ຊິດ, ປົດ​ປ່ອຍ​ຕົນ​ເອງ​​ອອກຈາກ​ແອກ​ຄອບ​ຄອງ​ ຂອງ​ລັດ​ທິ​ລ່າ​ເມືອງ​ຂຶ້ນ​ແບບ​ເກົ່າ ແລະ​ໃໝ່, ຍາດ​ເອົາ​ເອກະລາດ​ແຫ່ງ​ຊາດ ສິດທິ​ພົນລະ​ເມືອງ ແລະ​ເສລີພາບ​ມາ​ໃຫ້​ມະນຸດຊາດ​ຜູ້​ອອກ​ແຮງ​ງານ​ທັງ​ໝົດ ໂດຍ​ບໍ່​ແມ່ນ​ໃຫ້​ພຽງ​ແຕ່​ພາກ​ຟ້າ​ໃດ​ໜຶ່ງ​ເທົ່າ​ນັ້ນ.
ກ.ມາກ ເປັນ​ນັກວິທະຍາສາດ​ທີ່​ປີ​ຊາ​ສາມາດ ແລະ​ເປັນ​ນັກ​ປະຕິວັດ​ທີ່​ເຖິງ​ຖອງ​ທີ່​ສຸດ
ເພີ່ນ​ໄດ້​ເຜີຍ​ແບ​ຢ່າງ​ຊັດ​ເຈນ​ທາດ​ແທ້​ຂູດ​ຮີດ ຂອງ​ລະບອບ​ທຶນນິຍົມ ຄື​ຂູດ​ຮີດ​ຄຸນຄ່າ​ສ່ວນ​ເກີນ ຊຶ່ງ​ເປັນ​ຕົວ​ການ​ທີ່​ໄດ້​ຄຸມ​ຂັງ​ປະຊາຊົນ​ຜູ້​ອອກ​ແຮງ​ງານ ຢູ່​ໃນ​ປະ​ເທດ​ມັນ​ເອງ ຫຼື​ຢູ່​ປະ​ເທດ​ເມືອງ​ຂຶ້ນ​ ຂອງຊົນ​ຊັ້ນ​ນາຍທຶນ, ຜູ້​ທີ່​ໄດ້​ຢຽບ​ຢ່ຳ​ຍ່ຳ​ຍີ່​ໃສ່​ເອກະລາດ ອິດສາ​ລະ​ພາບ ຂອງ​ບັນດາ​ປະຊາ​ຊາດ​ໃນ​ໂລກ. ທາດ​ແທ້​ຂູດ​ຮີດ​ຂອງ​ລັດທິ​ທຶນ​ນິຍົມ​ບໍ່​ມີ​ການ​ປ່ຽນ​ແປງ, ທາດ​ແທ້​ປະຕິ​ການ​ຮອບດ້ານ​ຂອງ​ພື້ນຖານ​ການ​ເມືອງ​ນາຍທຶນປັດ​ຈຸ​ບັນ​ຍັງ​ຄົງ​ຕົວ​ຢູ່, ທາດ​ແທ້​ຂັດ​ແຍ່ງ ວິ​ກິດ​ການ
ແລະ​ ທ່າ​ອຽງ​ຫາ​ຍະ​ນະ​ອັນ​ຈຳ​ເປັນ​ແນ່ນອນ
ຂອງລັດ​ທິ​ທຶນ​ນິຍົມ​ ຍັງ​ຄົງ​ເປັນ​ບັນຫາ​ສົດ​ໆ​ຮ້ອນໆ​ ຂອງ​ສະ​ໄໝ​ທີ່​ ກ.ມາກ ມີ​ຊີວິດ​ຢູ່ ກໍ່​ຄື​ຂອງ​ສະ​ໄໝ​ປັດຈຸບັນ. ວ.ອີ.​ເລ​ນິນ ຊີ້​ແຈ້ງວ່າ: “ທິດ​ສະ​ດີ​ຂອງ​ມາກ ແມ່ນທິດ​ສະ​ດີ​ທີ່​ສັກສິດ​ຮອບດ້ານ ຍ້ອນ​ວ່າ​ມັນ​ແມ່ນ​ທິດ​ວະ​ດີ​ທີ່​ຊັດ​ເຈນ (1) ” . ທ່ານ​ປະທານ​ໂຮ່ຈີ​ມິນ ຂຽນ​ວ່າ: “ລັດທິ​ເລ​ນິນ... ບໍ່​ພຽງ​ແຕ່​ເປັນ “ຕຳລາ” ທີ່​ສັກສິດ, ບໍ່​ພຽງ​ແຕ່​ເປັນ​ເຂັມທິດ​ຊີ້​ທາງ​ເທົ່າ​ນັ້ນ ຫາກ​ຍັງ​ເປັນດວງ​ຕາ​ເວັນ​ສ່ອງ​ເຍືອງ​ເສັ້ນທາງ​ໃຫ້​ພວກ​ເຮົາ​ໄປ​ເຖິງ​ໄຊຊະນະ​ສຸດ​ທ້າຍ, ໄປ​ເຖິງ​ລັດທິ​ສັງຄົມ​ນິຍົມ ແ

ລະ ສັງຄົມ​ກອມ​ມູນິດ” (2) .
ແຕ່​ວ່າ, ບັນດາ​ທັດສະນະ​ຜິ​ດພາດ ແລະ​ປະຕິ​ການ​ພັດ​ອີງ​ໃສ່​ການ​ພັງ​ທະລາ​ຍລົງ​ຂອງ​ຕົວ​ແບບ​ສັງຄົມ​ນິຍົມ ຢູ່​ເອີຣົບຕາ​ເວັນ​ອອກ ແລະ ສະຫະພາບ​ໂຊ​ວຽດ ເພື່ອ​ຕີ​ຄ້ອງ​ຮ້ອງ​ປ່າວ​ຂຶ້ນ​ວ່າ: “ລັດທິ​ມາກ​ຖືກ​ປະລາ​ໄຊ​ແລ້ວ”(!). ແລະ, ມື້​ນີ້, ພັດ​ແມ່ນ​ພວກ​ເຂົາ​ເອງ​ໄດ້​ເຜີຍ​ໃຫ້​ເຫັນ​ຄວາມ​ຮູ້​ແບບ “ຄັດ​ຖອດ​ສຳນວນ”, “ອ້າງ​ວາຈາ”, ດ້ານ​ດຽວ ແລະ​ຝືນ​ວິທະຍາສາດ ກ່ຽວ​ກັບ​ລັດທິ​ມາກ, ໃນ​ເວລາ​ທີ່​ລັດທິ​ທຶນ​ນິຍົມ​ພວມ​ດີ້ນຮົນ​ຢູ່​ໃນ​ບວກ​ຕົມ​ແຫ່ງ​ວິ​ກິດ​ການ, ຄື​ດັ່ງ​ທີ່​ ກ.ມາກ​ ໄດ້​ຄາດ​ຄະ​ເນ, ແລະ​ພວກ​ເຂົາ​ພະຍາຍາມ​ປິດ​ບັງ​ສະພາບ​ການ​ດັ່ງກ່າວ​ ດ້ວຍການ​ຂຶ້ນ​ລົງ​ຂອງ​ລັດທິ​ສັງຄົມ​ນິຍົມ. ຖ້ອຍ​ທຳນອງ “ກ່າວ​ອ້າງ” ຂອງ​ພວກ​ເຂົາ​ບໍ່​ອາດ​ລໍ້​ລວງ​ຜູ້​ໃດ​ໄດ້. ມະ​ໂນ​ທຳ​ຂອງ​ທະນຸ​ດຊາດ​ຍັງ​ຄົງ​ສ່ອງ​ໃສ​ທຸ່ນ​ທ່ຽງ ແລະ ສະຫຼາດ​ທີ່​ສຸດ​ເມື່ອ​ໃຫ້​ທັດສະນະ​ວ່າ “ລັດທິ​ມາກ​ຍັງ​ຄົງ​ຮັກສາ​ຄວາມ​ໝາຍ ແລະ​ຄວາມ​ສຳຄັນ​ຂອງ​ມັນ​ໄວ້​ໄດ້​ໃນ​ໂລກ​ທັນ​ສະ​ໄໝ...” (3) , “ຍາມ​ໃດ​ກໍ່​ເປັນ​ຫຼັກ​ຖານ​ເພື່ອ​ຕັດສິນ​ຕົກລົງ​ ໃຫ້​ແກ່​ບັນດາ​ການຈັດ​ຕັ້ງປະຕິວັດ​ ຂອງ​ຊົນ​ຊັ້ນ​ກຳມະກອນສາກົນ, ໃຫ້​ແກ່​ບັນດາ​ພັກ​ກອມ​ມູນິດ​ທີ່​ແທ້​ຈິງ​ ໃນ​ການວາງ​ແນວທາງ​ຍຸດທະ​ສາດ ຍຸດທະວິທີ​ປະຕິວັດ​ຂອງ​ຕົນ” (4) . ມັນ​ຂີດ​ໝາຍ​ການ​ຂະຫຍາຍ​ສະຕິ​ປັນຍາ​ຂອງ​ມະນຸດຊາດ
ໃນ​ສະ​ໄໝ​ຂ້າມ​ຜ່ານ​ຈາກ​ລັດ​ທະ​ທຶນ​ນິຍົມ ຂຶ້ນ​ສູ່​
ສັງຄົມ​ນິຍົມ. ຍິ່ງ​ກວ່າ​ນັ້ນ​ອີກ, ກະ​ໂຕ​ຜູ້​ທີ່​ໃສ່​ຮ້າຍ​ປ້າຍ​ສີ ບິດ​ເບືອນ ກ.​ມາກ ໄດ້​ຕັ້ງ​ໃຈ​ບໍ່​ຮູ້​​ເຫັນວ່າ ລັດ​ທິສັງຄົມ​ນິຍົມຢູ່​ສະຫະພາບ​ໂຊ​ວຽດ ແລະ ຢູ່​ເອີຣົບຕາ​ເວັນ​ອອກ (ກ່ອນ​ໜ້າ​ນີ້) ຖືກ​ພັງທະລາຍລົງ ບໍ່​ແມ່ນ​ຍ້ອນ​ແນວ​ຄິດ​ວິທະຍາສາດ​ຂອງລັດ​ທິມາກ - ເລ​ນິນ​ ບໍ່​ມີ​ລັກສະນະ​ຍຸກ​ສະ​ໄໝ​ອີກ ຫາກ​ແມ່ນ​ຍ້ອນການ​ລົ້ມ​ລະລາຍ​ຂອງ​ແນວທາງ​ທີ່​ຜິດພາດ ທີ່​ຕົກ​ໃສ່​ພະຍາດ​ອາດຍາ​ສິດ ຄຳ​ພີຕາ​ຍຕົວ ອັດຕະວິ​ໄສ
ເຈດ​ຈຳນົງ​ນິຍົມ ຊຶ່ງ​ເລີ່​ມ​ແຕ່​ຄວາມ​ຜິດພາດ​ໃນ​ການ​ສ້າງ​ແນວທາງ​ການ​ນຳ​ຂອງ​ພັກຜູ້​ກຳ​ອຳນາດ​ຢູ່​ນັ້ນ, ຍ້ອນ​ໄປ​ຜິດ​ກັບລັດ​ທິມາກ - ເລ​ນິນທີ່​ແທ້​ຈິງ, ຊ້ຳ​ບໍ່​ໜຳ​ ຍັງ​ໄດ້​ແກ້​ໃໝ່​ລັດທິ​ມາກ ແລະ​ທໍລະ​ຍົດ​ຕໍ່​ລັດທິ​ສັງຄົມ​ນິຍົມວິທະຍາສາດ; ພ້ອມ​ກັນ​ນັ້ນ ບໍ່​ອາດ​​ບໍ່​ນັບ​ທັງ​ກົນອຸບາຍອັນ​ໂຫດ​ຫ້ຽມ ໃນ​ຍຸດ​ທະ​ສາດ “ຫັນປ່ຽນ​ໂດຍ​ສັນຕິ” ທີ່​ລັດທິ​ຈັກກະພັດ​ສາກົນ​ນຳ​ໃຊ້. ສັດຕູ​ຂອງ​ບັນດາ​ພັກ​ກອມ​ມູນິດ ໄດ້​ສວຍ​ໃຊ້​ຢ່າງ​ສຸດ​ຂີດ ຄວາມ​ຜິດພາດ​ຕ່າງໆ​ໃນ​ແນວທາງ, ຂໍ້​ຂາດ​ຕົກ​ບົກພ່ອງຕ່າງໆ ທີ່​ບໍ່​ໄດ້​ແກ້​ໄຂ​ຢ່າງ​ທັນ​ການ​ໃນ​ການ​ນຳພາ ແລະ​ບໍລິຫານ​ບ້ານ​ເມືອງ​ຂອງ​ພັກ​ກຳ​ອຳນາດ​ຢູ່​ປະ​ເທດ​ເຫຼົ່າ​ນັ້ນ... ເພື່ອ​ຊື້​ຈ້າງຈອບ​ອອຍ ຍຸຍົງ ແລະ​ປຸກ​ກຳລັງ​ໃຈ​ພາກສ່ວນ​ສວຍ​ໂອກາດພາຍ​ໃນ​ປະ​ເທດ, ສົ່ງ​ເສີມການ​ເຄື່ອນ​ໄຫວ​ຝືນ​ປະຕິວັດ​ຢູ່​ພາຍ​ນອກ. ພວກ​ສັດຕູ​ຂອງ ກ.ມາກ ໄດ້​ຖິ້ມ​ໂທດ​ທັງ​ໝົດ​ນັ້ນ​ໃສ່ ກ.ມາກ,
ໃສ່ລັດ​ທິມາກ - ເລ​ນິນ​  (!).
ຜູ້​ໃດ​ຍັງ​ມີ​ຄວາມ​ລະ​ແວງ​ສົງ​ໄສ​ກ່ຽວ​ກັບ​ເລື່ອງ​ນັ້ນ ຂໍ​ໃຫ້​ອ່ານ​ບົດ​ໃນ​ເວັບ​ໄຊ htpp://vi.Wikipedia.org/wiki/KarlMarx : ປີ 1999, ມະຫາວິທະຍາ​ໄລ ແຄມ​ບຣິດ (University of Cambridge) ໄດ້​ປະກາດ​ການກວດ​ສອບ​ ນັກ​ແນວ​ຄິດອັນ​ດັບ​ໜຶ່ງ​ໃນ​ສະຫັດ​ສະ​ວັດ​ທີ 2, ຜົນ​ກໍ່​ຄື ກາກ ມາກ ນຳ​ໜ້າ, ອານ​ເບີດ ເອັນ​ສ​ເຕນ (Albert Einstein - ນັກວິທະຍາສາດ​ທີ່​ຍິ່ງ​ໃຫຍ່) ທີ 2. ແລະ​ໃນ​ມໍ່ໆ​ນີ້, ຕາມ​ການ​ສຳ​ຫຼວດຄວາມ​ເຫັນ​ຂອງ​ວາລະສານ Spiegel (​ເຢຍລະ​ມັນ), ກ.ມາກ ໄດ້​ຮັບ​ການ​ນິຍົມ​ຊົມ​ຊອບ​ຢ່າງ​ແປກ​ປະຫຼາດ - ປະຊາຊົນ​ເຢຍລະ​ມັນ​ກວ່າ 50% ເວົ້າ​ວ່າ “ການ​ຕຳ​ໜິວິພາກ​ຂອງ​ ກ.ມາກ ຕໍ່​ກັບ​ລັດທິ​ທຶນ​ນິຍົມ ປັດຈຸບັນ​ນີ້​ຍັງ​ມີ​ຄຸນຄ່າ​ຄື​ເກົ່າ”, ຊ້ຳ​ບໍ່​ໜຳ ກວ່າ 56% ໃຫ້​ທັດສະນະ​ວ່າ “ລັດທິ​ສັງຄົມ​ນິຍົມແມ່ນ​ແນວ​ຄິດ​ດີ ແຕ່​ປະຕິບັດ​ບໍ່​ດີ”; ແລະ ກ.ມາກ ຍັງ​ໄດ້​ຮັບ​ຄວາມ​ເຫັນ​ດີ​ເຫັນ​ພ້ອມ​ຈາກ​ໄວ​ໜຸ່ມ​ຫຼາຍ​ກວ່າ​ນັ້ນ​ອີກ. ແລະ,
ຕາມ​ບົດ​ຄວາມ​ທີ່​ລົງ​ໃນ http://ww.guardian.co.uk/politics/jul/17/comment.theo bserverl , ທ່ານ ຈ.​ໂຊຣອສ (G.Soros) ນັກທຸລະກິດອາ​ເມ​ລິ​ກາ ຜູ້​ຊຳນານ​ໃນ​ການ​ວິ​ເຄາະ​ຄ່າ​ເງິນ ແລະ​ລົງ​ທຶນຫຸ້ນ ໄດ້​ຂຽນວ່າ “ກ.ມາກ ແລະ ຟ.ອັງ​ແກນ ໄດ້​ໃຫ້ການ​ໄຈ້​ແຍກ​ດີ​ທີ່​ສຸດ​ ກ່ຽວ​ກັບ​ລະບົບ​ທຶນ​ນິຍົມ ກ່ອນ​ໜ້າ​ນີ້ 150 ປີ”. ວາລະສານ The New Yorker (ອາ​ເມລິກາ) ກໍ່​ໃຫ້​ທັດສະນະ​ວ່າ: ບັນດາ​ນັກ​ເສດຖະສາດ​ຍຸກ​ປັດຈຸບັນ​ພວນ “ກ້າວ​ໄປ​ຕາມ​ຮອຍ​ຕີນ​ຂອງ ກ.ມາກ ໂດຍ​ບໍ່​ຮູ້​ຕົວ” ໃນ​ຂະ​ບວນວິວັດ​ແຫ່ງ​ການ​ແກ້​ໄຂ​ບັນດາ​ບັນຫາ​ທີ່​ພວກ​ເຂົາ​ຕ້ອງ​ປະ​ເຊີນ​ໜ້າ, ກ.ມາກ “​ໄດ້​ໄຈ້​ແຍກ​ລະບົບ​ຫາ​ຄວາມ​ລ້ຳ​ລວຍ​ນີ້ ດີກ​ວ່າ​ໝູ່​ໝົດ... ຄື​ດັ່ງ​ວ່າ ກ.ມາກ ໄດ້​ລຸກ​ຂຶ້ນ​ມາ​ຈາກ​ສຸສານ !”. ແລະ​ຄວາມ​ຈິງ​ພວມ​ພິສູດ​ຢັ້ງຢືນ​ວ່າ ກະ​ໂຕ​ລັດທິ​ທຶນ​ນິຍົມ ເຖິງ​ວ່າ​ຈະ​ຢູ່​​ໂລກຕາ​ເວັນ​ອອກ ຫຼື​ຢູ່​ໂລກ​ຕາ​ເວັນ​ຕົກກໍ່ຕາມ (ແຕ່​ຍີ່ປຸ່ນ ຈົນ​ເຖິງ​ເອີຣົບຕາ​ເວັນຕົກ ແລະ ອາ​ເມ​ລິ​ກາ...) ກໍ່​ໄດ້ ແລະພວມ​ໝູນ​ໃຊ້ລັດ​ທິມາກ - ເລ​ນິນ​ ​​ແນ​ໃສ່​ດັດສົມ ປັບ​ປ່ຽນ​ໃຫ້ຄ່ອງ​ຕົວ ເພື່ອດຳລົງຄົງ​ຕົວຢູ່​ໄດ້ ຫັ້ນ​ແຫຼະ.
ລັດ​ທິມາກ - ເລ​ນິນ​ ພວມ ແລະ​ຈະ​ພາ​ທາງ​ໃຫ້​ແກ່​ການ​ປະຕິວັດ​ຫວຽດນາມ​ຕະຫຼອດ​ໄປ, ພາຍ​ໄຕ້​ຄັນ​ທຸງ​ຂອງ​ພັກ​ກອມ​ມູນິດ​ຫວຽດນາມ, ເພື່ອ​ລັດທິ​ສັງຄົມ​ນິຍົມ ເພື່ອ​ອຸດົມຄະຕິ​ປະກອບສ່ວນ​ປົດ​ປ່ອຍ​ມະ​ນຸດ​ຊາດ​ຜູ້​ອອກ​ແຮງ​ງານ​ທັງ​ໝົດ ຄື​ທີ່​ທຸກ​ຄົນ​ລ້ວນ​ແຕ່​ເຫັນ​ແຈ້ງ!
2- ລັດ​ທິມາກ - ເລ​ນິນ​ ຊີ້​ບອກ​ກົດ​ເກນ​ພາວະ​ວິ​ໄສ ຂອງ​ຂະ​ບວນວິວັດ​ແຫ່ງ​ການກຳ​ເນີດ ຂະຫຍາຍຕົວ​ຂອງ​ລັດ​ທິສັງຄົມ​ນິຍົມ ລັດທິ​ກອມ​ມູນິດ; ພ້ອມ​ກັນ​ນັ້ນ​ກໍ່​ຊີ້​ໃຫ້​ເຫັນ​ເຖິງ​ເງື່ອນ​ໄຂ​ອັດຕະ​ວິ​ໄສທີ່​ຕັດສິນ​ຂອງ​ຂະ​ບວນວິວັດ​ດັ່ງກ່າວ​ນັ້ນ: ທິດ​ສະ​ດີ​ທີ່​ນຳ​ໜ້າ ແລະ​ພັກ​ນຳ​ໜ້າ​ຂອງ​ຊົນ​ຊັ້ນ​ກຳມະກອນ. ໃນຖະ​ແຫຼ​ງການ​ຂອງ​ພັກ​ກອມ​ມູນິດ, ກ.ມາກ - ຟ.ອັງ​ແກນ​ໄດ້​ຍົກ​ໃຫ້​ເຫັນ​ແຈ້ງ​ ແນວ​ຄິດ​ກ່ຽວ​ກັບ​ເງື່ອ​ນໄຂ​ເພື່ອ​ປົດ​ປ່ອຍ​ ຊົນ​ຊັ້ນ​ກຳມະກອນ ແລະ ປະຊາຊົນ​ຜູ້​ອອກ​ແຮງ​ງານ ນັ້ນ​ແມ່ນ​ຕ້ອງ​ມີ “ກອງ​ກຳລັງ​ນຳ​ໜ້າ ພ້ອມ​ດ້ວຍ​ທິດ​ສະ​ດີ​ນຳ​ໜ້າ ແລະ​ການກະ​ທຳ​ນຳ​ໜ້າ”. ກ.ມາກ
ແລະ ຟ.ອັງ​ແກນ​ໄດ້​ຂຽນ​ແຈ້ງວ່າ ຊາວ​ພັກ​ກອມ​ມູນິດ​ເດັດຂາດ​ບໍ່​ມີ​ຜົນ​ປະ​ໂຫຍ​ດອື່ນ​ໃດ​ ທີ່​ແຍກ​ອອກ​ຈາກ​ຜົນ​ປະ​ໂຫຍ​ດຂອງ​ຊົນ​ຊັ້ນ​ກຳມາ​ຊີບ. ທາງ​ດ້ານ​ພຶດຕິ​ກຳ, ຊາວ​ພັກ​ກອມ​ມູນິດ​ແມ່ນ​ພາກສ່ວນ​ທີ່​ເດັດດ່ຽວ​ທີ່​ສຸດ..., ເປັນ​ພາກສ່ວນ​ທີ່​ຍາມ​ໃດ​ກໍ​ຊຸກຍູ້​ໃຫ້​ຂະ​ບວນການ​ກ້າວ​ຂຶ້ນ; ທາງ​ດ້ານ​ທິດ​ສະ​ດີ, ພວກ​ເຂົາ​ລື່ນ​ກາຍ​ກວ່າ​ ພາກສ່ວນ​ທີ່​ຍັງ​ເຫຼືອ​ຂອງ​ຊົນ​ຊັ້ນ​ກຳມາ​ຊີບ ຍ້ອນ​ວ່າພວກ​ເຂົາ​ເຂົ້າ​ໃຈ​ແຈ້ງ​ກ່ຽວ​ກັບ​ບັນດາ​ເງື່ອນ​ໄຂ ລຳດັບ​ດຳ​ເນີນ ແລະ​ໝາກຜົນ​ລວມຂອງ​ຊົນ​ຊັ້ນ​ກຳມາ​ຊີບ.
ໃນ​ນິພົນ “​ເຮັດຫຍັງ ?”, ວ.ອີ. ເລ​ນິນ​ໄດ້​ຢັ້ງຢືນ: “ບໍ່​ມີ​ທິດ​ສະ​ດີ​ປະຕິວັດ ກໍ່​​ບໍ່ອາດມີ​ຂະ​ບວນການ​ປະຕິວັດ” (5) ; “ມີ​ພຽງ​ພັກ​ໃດ​ທີ່​ມີ​ທິດ​ສະ​ດີ​ນຳ​ໜ້າ​ຊີ້​ນຳ​ເທົ່າ​ນັ້ນ ຈິ່ງ​ມີ​ຄວາມ​ສາມາດ​ເຮັດ​ລ້ອນພາລະ​ບົດບາດ​ນັກຮົບ​ນຳ​ໜ້າ ” (6 ).
ໄຊຊະນະ​ຂອງ​ການ​ປະຕິວັດ​ເດືອນ​ສິງຫາ ປີ 1945 ຂອງ​ປະຊາຊົນ​ຫວຽດນາມ ພາຍ​ໄຕ້​ການ​ນຳພາ​ຂອງ​ພັກ​ກອມ​ມູນິດ​ຫວຽດນາມ ໂດຍ​ແມ່ນ​ທ່ານ​ປະທານ​ໂຮ​ຈີ​ມິນ ເປັນ​ຜູ້​ກໍ່​ຕັ້ງ ຝຶກ​ຝົນ​ຫຼໍ່​ຫຼອມ ອົບຮົ​​ມສຶກສາ, ພັກ​ເອົາລັດ​ທິມາກ - ເລ​ນິນ ເປັນ​ຮາກ​ຖານ​ແນວ​ຄິດ ເປັນ​ເຂັມທິດ​ຊີ້​ທາງ​ໃຫ້​ແກ່​ການ​ເຄື່ອນ​ໄຫວ​ປະຕິວັດ​ຂອງ​ຕົນ​, ນັ້ນ​ເປັນ​ຫຼັກ​ຖານ​ອັນ​ໜັກ​ແໜ້ນ​ທີ່​ສຸດ​ທີ່​ພິສູດ​ຢັ້ງຢືນ​ວ່າ ລັດ​ທິມາກ - ເລ​ນິນ ໄດ້​ຖື​ບົດບາດ​ທິດ​ສະ​ດີ​ພາ​ທາງ​ອັນ​ແທ້​ຈິງ​ໃຫ້​ແກ່​ໄຊຊະນະ​ຂອງ​ການ​ປະຕິວັດ​ຫວຽດນາມ.
ປີ 1858, ພວກ​ລ່າ​ເມືອງ​ຂຶ້ນ​ຝະລັ່ງຮຸກ​ຮານ​ຫວຽດນາມ. ໂດຍ​ເສີມ​ຂະຫຍາຍ​ມູນ​ເຊື້ອ​ຮັກ​ຊາດ​ຕ້ານ​ການ​ຮຸກ​ຮານ​ຈາກ​ພາຍ​ນອກ ປະຊາຊົນ​ຫວຽດນາມ​ໄດ້​ລຸກ​ຮື​ຂຶ້ນ​ຕໍ່ສູ້​ ຕ້ານ​ພວກ​ຮຸກ​ຮານ​ ໃນ​ເວລາກ​ວ່າ​ເຄິ່ງສະຕະວັດ ແຕ່​ບໍ່​ສຳ​ເລັດ​ຜົນ. ຕົ້ນ​ສະຕະວັດ​ທີ XX ຂະ​ບວນການ​ຮັກ​ຊາດ​ຕາມ​ທ່າ​ອຽງ​ນາຍທຶນ​ກໍ່​ປະລາ​ໄຊ​ຕາມ​ລຳດັບ​ມາ. ປະ​ເທດ​ຊາດ​ຄື​ວ່າ​ບໍ່​ມີ​ທາງ​ອອກ.
ປີ 1911, ອ້າຍຊາວ​ໜຸ່ມ ຫງວຽນ​ເຕິ​ດ​ແທ່ງ ດ້ວຍ​ຊື່​ຫຍໍ້ ອ້າຍ​ບາ ໄດ້​​ເດີນທາງໄປຕ່າງປະ​ເທດ​​ເພື່ອຊອກ​ຫາ​ເສັ້ນທາງ​ກູ້​ຊາດ. ພາຍຫຼັງ 10 ປີ (1911 - 1920) ແຫ່ງ​ການ​ພະ​ເນ​ຈອນ​ໃນ​ທົ່ວ​ທຸກ​ທະວີບ ທັງ​ຄົ້ນຄວ້າ​ທິດ​ສະ​ດີ ທັງ​ຄົ້ນຄວ້າ​ພຶດຕິ​ກຳ​ການປະຕິວັດ​ໃນ​ໂລກ, ທ່ານຫງວຽນ​ອາຍ​ກວັກ ໄດ້​ໄປ​ເຖິງ​ຂໍ້​ສະຫຼຸບ: “ມີ​ພຽງ​ລັດທິ​ສັງຄົມ​ນິຍົມ ແລະ​ລັດ​ທະ​ກອມ​ມູນິດ​ເທົ່າ​ນັ້ນ ຈິ່ງ​ສາມາດ​ປົດ​ປ່ອຍ​ບັນດາ​ປະຊາ​ຊາດ​ທີ່​ຖືກ​ກົດ​ຂີ່​ຂົ່ມ​ເຫັງ ຢ່າງ​ເຖິງ​ຖອງ​ໄດ້”. ຕໍ່​ຈາກ​ນັ້ນ ເພີ່ນ​ຕ້ອງ​​ໃຊ້ເວລາ 10 ປີ​ອີກ
ເພື່ອ​ກະກຽມ​ທັງ​ສາມ​ດ້ານ: ແນວ​ຄິດ​ທິດ​ສະ​ດີ
ແນວທາງ​ການ​ເມືອງ ການ​ຈັກ​ຕັ້ງ​ພະນັກງານ ຈິ່ງ​ພາ​ໄປ​ເຖິງ​ການ​ກຳ​ເນີ​ດ​ເກີດ​ຂຶ້ນ​ຂອງ​ພັກ​ກອມ​ມູນິດ​ຫວຽດນາມ (ວັນ​ທີ 3 ກຸມພາ 1930). ກ່ຽວ​ກັບ​ບົດບາດ​ຂອງ​ພັກ​ກອມ​ມູນິດ ແລະ ຂອງທິດ​ສະ​ດີ, ໃນ​ນິພົນ “​ເສັ້ນທາງ​ປະຕິວັດ” ພິມ​ຈຳໜ່າຍ​ປີ 1927, ທ່ານ​ຫງວຽນ​ອາຍ​ກວັກ ໄດ້​ຄັດ​ຄຳ​ເວົ້າ​ລື​ຊື່​ຂອງ ວ.ອີ.​ເລ​ນິນ ໃນ​ນິພົນ “​ເຮັດ​ຫຍັງ?” ແລະ ເພີ່ນ​ຕັ້ງ​ຄຳ​ຖາມ​ວ່າ: “ກ່ອນ​ອື່ນ​ໝົດ ການ​ປະຕິວັດຈະ​ຕ້ອງ​ມີ​ຫຍັງ​ແດ່ ?”. ແລະ ເພີ່ນ​ຕອບ​ຢ່າງ​ຈະ​ແຈ້ງວ່າ: “ກ່ອນ​ອື່ນ​ໝົດ ຕ້ອງ​ມີ​ພັກ​ປະຕິວັດ... ພັກ​ໝັ້ນຄົງ ການ​ປະຕິວັດ​ຈິ່ງສຳ​ເລັດ... ພັກ​ຢາກໝັ້ນຄົງ​ຕ້ອງ​ມີ​ລັດທິ​ເປັນ​ເສົາ​ຄ້ຳ​, ໃນ​ພັກ ໃຜ​ກໍ່​​ເຂົ້າ​ໃຈ, ໃຜ​ກໍ່​ຕ້ອງ​ໄປ​ຕາມ​ລັດທິ​ດັ່ງກ່າວ​ນັ້ນ. ພັກ​​ບໍ່​ມີ​ລັດທິ ກໍ່​ບໍ່ຕ່າງ​ຫຍັງ​ກັບ​ຄົນ​ບໍ່​ມີ​ຄວາມ​ສະຫຼາດ​ ກ່ຳ​ປັນ​ບໍ່​ມີ​ເຂັມທິດ.
ດຽວ​ນີ້​ຫຼັກທິດ​ສະ​ດີ​ກໍ່ມີຫຼາຍ ລັດທິ​ກໍ່ມີຫຼາຍ, ແຕ່​ລັດທິ​ແທ້​ຈິງທີ່​ສຸດ ແນ່ນອນ​ທີ່​ສຸດ ປະຕິວັດ​ທີ່​ສຸດ ແມ່ນລັດທິເລ​ນິນ” (7) .
ໃນ​ບົດ​ໂອ້​ລົ​ມກັບ​ຊຸດ​ບຳລຸງ​ສະມາຊິກ​ພັກ​ໃໝ່ ໂດຍ​ຄະນະ​ພັກ​ນະຄອນ​ຮ່າ​ໂນ້ຍ ຈັດ​ຕັ້ງ​ຂຶ້ນ​ເມື່ອ​ປີ 1966 ທ່ານ​ປະທານ​ໂຮ່ຈີ​ມິນ ສືບ​ຕໍ່​ຢັ້ງຢືນ​ວ່າ: “ບໍ່​ມີ​ທິດ​ສະ​ດີ​ກ່ຽວ​ກັບ​ລັດທິ​ສັງຄົມ​ນິຍົມວິທະຍາສາດ ກໍ່​ບໍ່​ອາດ​ມີ​ຫຼັກ​ໝັ້ນ​ຊົນ​ຊັ້ນ​ທີ່​ໜັກ​ແໜ້ນ​ໄດ້. ດັ່ງ​ນັ້ນ ພວກ​ນ້ອງ​ຈົ່ງ​ພະຍາຍາມ​ຮ່ຳຮຽນ​ທິດ​ສະ​ດີ​ມາກ - ເລ​ນິນ, ຮ່ຳຮຽນ​ແນວທາງ ນະ​ໂຍບາຍ​ຂອງ​ພັກ; ພ້ອມ​ກັນ​ນັ້ນ​ກໍ່​ຕ້ອງ​ຮ່ຳຮຽນ​ວັດທະນະທຳ ເຕັກນິກ ແລະ​ວິຊາ​ສະ​ເພາະ” (8) .
ໃນ​ຊຸມ​ປີ​ທ້າຍ​ຊີວິດ​ຂອງ​ຕົນ, ເມື່ອ​ຂຽນ ພິ​ໄນ​ກຳ, ລູງ​ໂຮ່ ສືບ​ຕໍ່​ຢັ້ງຢືນ​ແນວ​ຄິດ​ກ່ຽວ​ກັບ​ບົດບາດ​ຂອງລັດທິມາກ - ເລ​ນິນ​ ແລະ ຂອງ​ພັກ​ກອມ​ມູນິດ.
3- ວ.ອີ.​ເລ​ນິນ ໄດ້​ສືບ​ທອດ ຂະຫຍາຍ​ເພີ່ມ​ເຕີມ ແລະ ໝູນ​ໃຊ້​ຢ່າງ​ປະດິດ​ສ້າງ​ທິດ​ສະ​ດີ​ຂອງ
ກ.ມາກ ເຂົ້າ​ໃນ​ພຶດຕິ​ກຳ​ປະຕິວັດ​ຢູ່​ລັດ​ເຊຍ ແລະ ຢູ່​ໃນ​ໂລກ, ບົນ​ພື້ນຖານ​ນັ້ນ​ໄດ້​ວາງ​ທິດ​ສະ​ດີ​ກ່ຽວ​ກັບ​ການ​ປະຕິວັດ​ສັງຄົມ​ນິຍົມໃນ​ສະ​ໄໝ​ຈັກກະພັດ​ນິຍົມ​ ອອກ​ມາ.
ບົນ​ພື້ນຖານ​ການ​ຄົ້ນຄວ້າ ວິ​ເຄາະ​ໄຈ້​ແຍກ​ຕ່າງໆ ກ່ຽວ​ກັບ​ລັດທິ​ຈັກກະພັດ, ວ.ອີ.ເລ​ນິນ ໄດ້​ຄົ້ນ​ເຜີຍ​ກົດ​ເກນ​ການ​ຂະຫຍາຍຕົວ​ບໍ່​ສະໝ່ຳສະເໝີ​ກັນ ທາງ​ດ້ານ​ເສດຖະກິດ ແລະ ການ​ເມືອງ​ ຂອງ​ລັດທິ​ທຶນ​ນິຍົມ ໃນ​ສະ​ໄໝ​ຈັກກະພັດ​ນິຍົມ ແລະ ເພີ່ນ​ກໍ່​ໄດ້​ສະຫລຸບ​ວ່າ:
ການ​ປະຕິວັດ​ກຳມາ​ຊີບ​ອາດ​ຈະ​ໄດ້​ຮັບ​ໄຊຊະນະ​ໃນ​ບາງ​ປະ​ເທດ ຫຼື​ຊ້ຳ​ບໍ່​ໜຳ ໄດ້​ຮັບ​ໄຊຊະນະ​ໃນ​ປະ​ເທດ​ໜຶ່ງ​ເປັນ​ຕ່າງຫາກ ຊຶ່ງ​ເປັນ​ບ່ອນ​ທີ່​ລັດທິ​ທຶນ​ນິຍົມ​ຍັງ​ບໍ່ທັນ​ຂະຫຍາຍຕົວ​ກວ່າ​ໝູ່ ແຕ່​ເປັນ​ຂອດ​ທີ່​ອ່ອນ​ກວ່າ​ໝູ່ ໃນ​ສາຍພານ​ທຶນ​ນິຍົມ .
ໄຊຊະນະ​ຂອງ​ການ​ປະຕິວັດ​ເດືອນ​ຕຸລາ ແຫ່ງ​ລັດ​ເຊຍ ປີ 1917 ໄດ້ພິສູດ​ສິ່ງ​ດັ່ງ​ກ່າວນັ້ນ. ພ້ອມ​ກັນ​ນັ້ນ, ວ.ອີ.​ເລ​ນິນ ກໍ່​ໄດ້​ສະ​ເໜີ​ທິດ​ສະ​ດີ​ວິທະຍາສາດ ແລະ ປະຕິວັດ ກ່ຽວ​ກັບ​ການ​ຂ້າມ​ຜ່ານ​ຂຶ້ນ​ສູ່​ລັດທິ​ສັງຄົມ​ນິຍົມ ໂດຍ​ບໍ່​ຜ່າ​ນ​ໄລຍະ​ຂະຫຍາຍຕົວ​ຂອງລັດທິ​ທຶນ​ນິຍົມ.
ພາຍຫຼັງ​ທີ່​ໄດ້ສຳ​​ເລັດ​ການ​ປະຕິວັ​ດຊາດ ປະຊາ​ຕິ​ປະ​ໄຕ​ປະຊາຊົນ, ຫວຽດນາມກໍ່​ຫັນ​ມາ​ດຳ​ເນີນ​ການ​ປະຕິວັດ​ສັງຄົມ​ນິຍົມຢູ່​ພາກ​ເໜືອ (​ແຕ່​ປີ 1954) ແລະ​ໃນ​ຂອບ​ເຂດ​ທົ່ວ​ປະ​ເທດ (​ແຕ່​ປີ 1975). ໄຊຊະນະ​ຂອງ​ປະຊາຊົນຫວຽດນາມ​ໃນ​ການ​ຕໍ່ສູ້​ຕ້ານພວກ​ລ່າ​ເມືອງ​ຂຶ້ນ​ຝະລັ່ງ ແລະ​ຈັກກະພັດ​ອາ​ເມ​ລິ​ກາ​ຜູ້​ຮຸກ​ຮານ, ຮ່ວມ​ປະ​ເທດ​ຊາດ​ເຂົ້າເປັນ​ເອກະ​ພາບ, ທົ່ວ​ປະ​ເທດ​ພ້ອມ​ກັນ​ຂ້າມ​ຜ່ານ​ຂຶ້ນ​ສູ່ສັງຄົມ​ນິຍົມ ໂດຍ​ເລີ່ມ​ຈາກ​ພື້ນຖານ​ກະສິກຳ​ຫຼ້າ​ຫຼັງ ບໍ່​ຜ່ານ​ໄລຍະ​ຂະຫຍາຍຕົວ​ຂອງ​ລັດທິ​ທຶນ​ນິຍົມ, ນັ້ນ​ແມ່ນ​ຫຼັກ​ຖານ​ຕົວ​ຈິງ​ອັນ​ຈັບ​ໃຈ​ທີ່​ສຸດ ທີ່​ຢັ້ງຢືນ​ວ່າ ທິດ​ສະ​ດີ​ຂອງ ວ.ອີ.​ເລນິນ ກ່ຽວ​ກັບ​ການ​ປະຕິວັດ​ສັງຄົມ​ນິຍົມໃນ​ຍຸກ​ສະ​ໄໝ​ຈັກກະພັດ​ນິຍົມ ແມ່ນ​ຖືກຕ້ອງ​ໂດຍ​ສົມບູນ, ມັນ​ມີ​ພື້ນຖານ​ທິດ​ສະ​ດີ​ວິທະຍາສາດ ພື້ນຖານ​ພຶດຕິ​ກຳ, ສ່ອງ​ແສງ​ຢ່າງ​ຊັດ​ເຈນ​​ເຖິງບັນດາ​ຈຸດ​ໃຫຍ່ ພື້ນຖານຂອງ​ພຶດຕິ​ກຳ​ຫວຽດນາມ​ໃນ​ສະຕະວັດ​ທີ XX ແລະ​ໃນ​ປັດຈຸບັນ​ນີ້.
4- ບັນດາ​ຜົນສຳ​ເລັດ​ທີ່​ມີ​ຄວາມ​ໝາຍ​ປະຫວັດສາດ ມີ​ລັກສະນະ​ບາດ​ລ້ຽວ, ພິ​ເສດ​ແມ່ນ​ບັນດາ​ຜົນສຳ​​ເລັດ​ຂອງ​ການ​ປ່ຽນ​ແປງ​ໃໝ່​ໃນ​ເວລາ​ເກືອບ 30 ປີ ທີ່​ຫວຽດນາມ​ບັນລຸ​ໄດ້ນັ້ນ ມີ​ຫຼາຍສາ​ເຫດ ຊຶ່ງ​ສຳຄັນ​ທີ່​ສຸດ​ແມ່ນ​ຍ້ອນພັກ-ລັດ​ຫວຽດນາມ​ໄດ້​ໝູນ​ໃຊ້​ຢ່າງ​ປະດິດ​ສ້າງ​ ບັນດາ​ແນວ​ຄິດ ທັດສະນະ​ຂອງລັດ​ທິມາກ - ເລ​ນິນ, ໃນ​ນັ້ນ​ມີ​ນະ​ໂຍບາຍ​ເສດຖະກິດ​ແຜນ​ໃໝ່ (NEP) ຂອງ ວ.ອີ.​ເລ​ນິນ ໃນ​ໄລຍະ​ຂ້າມ​ຜ່ານ​ຂຶ້ນ​ສູ່​ລັດທິ​
ສັງຄົມ​ນິຍົມ.
​​ເປັນ​ອັນວ່າ, ດ້ວຍນະ​ໂຍບາຍ​ເສດຖະກິດ​ແຜນ​ໃໝ່ ວ.ອີ.​ເລ​ນິນ ໄດ້ຢັ້ງຢືນວ່າ ກ້າວ​ຂຶ້ນ​ສູ່​
ສັງຄົມ​ນິຍົມ ບໍ່​ແມ່ນ​ລົບ​ລ້າງ​ເສດຖະກິດ​ຕະຫຼາດ ຫາກ​ແມ່ນ​ຕ້ອງ​ນຳ​ໃຊ້​ເສດຖະກິດ​ຕະຫຼາດ; ແຕ່​ບໍ່​ແມ່ນ​ເສດຖະກິດ​ແກ່ງ​ແຍ້​ງ​ໂດຍ​ເສລີ​ແບບ​ທຶນ​ນິຍົມ ຫາກ​ມີ​ການ​ດັດສົມ​ຂອງ​ລັດ; ມັນ​ບໍ່​ແມ່ນ​ພື້ນ​ຖານເສດຖະກິດຂອງ​ພາກສ່ວນ​ເສດຖະກິດ​ໜຶ່ງ​ທີ່​ຜູກຂາດ ຫາກ​ແມ່ນ​ພຶ້ນຖານ​ເສດຖະກິດ​ຫຼາຍ​ພາກສ່ວນ ທີ່​ມີ​ຫຼາຍ​ຮູບ​ການ​ກຳມະສິດ,...
ການ​ໝູນ​ໃຊ້ລັດ​ທິມາກ-​ເລ​ນິນ ຢ່າງ​ປະດິດ​ສ້າງ ລະອຽດ​ແມ່ນນະ​ໂຍບາຍ​ເສດຖະກິດ​ແຜນ​ໃໝ່ຂອງ ວ.ອີ.ເລນິນ ເຂົ້າ​ໃນ​ສະພາບ​ແວດ​ລ້ອມ ເງື່ອນ​ໄຂ​ຫວຽດນາມ ໄດ້​ສະ​ແດງ​ອອກ​ຢ່າງ​ຈະ​ແຈ້ງ​ເປັນ​ພິ​ເສດ​ ໃນ​ທັດສະນະ ແຜນ​ນະ​ໂຍບາຍ​ ຂອງ​ພັກ​ກອມ​ມູນິດ​ຫວຽດນາມ ກ່ຽວ​ກັບການ​ຂະຫຍາຍ​ເສດຖະກິດ​ຕະຫຼາດຕາມ​ທິດ​ສັງຄົມ​ນິຍົມ ໃນ​ໄລຍະ​ຂ້າມ​ຜ່ານ​ຂຶ້ນ​ສູ່​ລັດທິ​
ສັງຄົມ​ນິຍົມ.
5- ບັນດາ​ຜົນສຳ​ເລັດທີ່​ຫວຽດນາມ​ຍາດ​ມາ​ໄດ້​ໃນ​​ແນວ​ຮົບ​ການ​ຕ່າງປະ​ເທດ ແມ່ນ​ຍ້ອນຫຼາຍສາ​ເຫດ ຊຶ່ງ​ສຳຄັນ​ທີ່​ສຸດ​ແມ່ນ​ຍ້ອນ ພວກ​ເຮົາ​ຮູ້ສົມທົບ​ກຳລັງ​ແຮງຂອງ​ຊາດ ກັບກຳລັງ​ແຮງ​ຍຸກ​ສະ​ໄໝ, ເປັນຕົ້ນ​ແມ່ນ​ໄດ້​ປະຕິບັດ​ຢ່າງ​ສະ​ເໝີ​ຕົ້ນ​ສະ​ເໝີ​ປາຍ ແນວທາງ​ການ​ຕ່າງປະ​ເທດ​ເອກະລາດ ເປັນ​ເຈົ້າ​ຕົນ​ເອງ ສັນຕິພາບ ການ​ຮ່ວມ​ມື ແລະ​ພັດທະນາ; ຫັນ​ການ​ພົວພັນ​ສາກົນ​ເປັນ​ຫຼາຍ​ທິດ ຫຼາຍ​ຮູບ​ຫຼາຍ​ແບບ; ເປັນ​ເຈົ້າ​ການ ແລະ ຕັ້ງໜ້າ​ເຊື່ອມ​ໂຍງ​ເຂົ້າ​ກັບ​ສາກົນ, ຫວຽດນາມ​ພ້ອມ​ແລ້ວ​ທີ່​ເປັນ​ເພື່ອນ
ເປັນ​ຄູ່​ຮ່ວມ​ມືທີ່​ໄວ້​ວາງ​ໃຈ​ໄດ້​ ຂອງ​ບັນດາ​ປະ​ເທດ​ໃນ​ໂລກ, ເປັນ​ສະມາຊິກ​ທີ່​ມີ​ຄວາມ​ຮັບຜິດຊອບ​ ຂອງປະຊາ​ຄົມ​ໂລກ, ສູ້​ຊົນ​ເພື່ອ​ສັນຕິພາບ
ເອກະລາດ​ແຫ່ງ​ຊາດ ການ​ພັດທະນາ​ຢ່າງ​ສະ​ເໝີ​ພາບ ກ້າວໜ້າ​ ຂອງ​ບັນດາ​ປະຊາ​ຊາດ. ພິຈາລະນາ​ທາງ​ດ້ານ​ທາດ​ແທ້, ແນວທາງ​ການ​ຕ່າງປະ​ເທດ​ເທິງ​ນີ້​ຂອງ​ຫວຽດນາມ ແມ່ນ​ຄວາມ​ປະດິດ​ສ້າງຂອງ​ພັກ-ລັດ​ເຮົາ ໃນ​ການ​ໝູນ​ໃຊ້​ທັດສະນະ​ຂອງ ວ.ອີ.​ເລ​ນິນ ກ່ຽວ​ກັບ “ພ້ອມ​ກັນ​ຄົງ​ຕົວ​ໂດຍ​ສັນຕິ” ລະຫວ່າງ​ບັນດາ​ປະ​ເທດ ທີ່​ມີ​ລະບອບການ​ເມືອງ​ສັງຄົມແຕກ​ຕ່າງ​ກັນ ເຂົ້າ​ໃນ​ເງື່ອນ​ໄຂ​ຕົວ​ຈິງ​ຂອງ​ຫວຽດນາມ,
ເຂົ້າ​ໃນ​ສະພາບ​ແວດ​ລ້ອມ​​ໃນ​ປະ​ເທດ ແລະ​ສາກົນ​ໃໝ່​ໃນ​ປັດຈຸບັນ.
ເປັນອັນ​ຈະ​ແຈ້ງວ່າ, ດ້ວຍ​ການ​ໄຈ້​ແຍກ​ເທິງ​ນີ້ ເຮັດ​ແນວ​ໃດ​ຈິ່ງ​ເວົ້າວ່າ ລັດ​ທິມາກ-​ເລ​ນິນ​ ແມ່ນ “ສິ່ງ​ແປກ​ຕ່າງ​ຫ່າງ​ໄກ”, ແມ່ນ “ບໍ່​ສອດຄ່ອງ” ກັບ​ຫວຽດນາມ (!).
ຈາກ​ການ​ໄຈ້​ແຍກ​ເທິງ​ນີ້ ມີ​ພື້ນຖານ​ເພື່ອ​ຢັ້ງຢືນ​ວ່າ:
ທີ​ໜຶ່ງ, ລັດ​ທິມາກ - ເລ​ນິນ​ ມີ​ກຳລັງ​ຊີວິດ​ອັນ​ແຮງ​ກ້າ ມີ​ຄຸນຄ່າ​ຍຸກ​ສະ​ໄໝ, ຍ້ອມ​ມັນ​ແມ່ນ​ທິດ​ສະ​ດີ​ວິທະຍາສາດ ແລະ ປະຕິວັດ. ທິດ​ສະ​ດີ​ດັ່ງກ່າວ​ແມ່ນ​ພື້ນຖານ​ໂລກ​ກະທັດ ພື້ນຖານ​ວິທີ​ວິທະຍາສາດ ຂອງ​ມະນຸດຊາດ ແລະ ເຈາ​ະຈິ້ມ​ໃຫ້​ແກ່​ການ​ຄົ້ນຄວ້າ​ຕໍ່​ໄປ​ໃນ​ອະນາຄົດ​ ຂ​ອງມະ​ນຸດ​ຊາດ. ລັດ​ທິມາກ - ເລ​ນິນ​ ພ້ອມ​ກັບ​ແນວ​ຄິດ​ໂຮ່ຈີ​ມິນ ໄດ້​ກາຍ​ເປັນ​ຮາກ​ຖານ​ແນວ​ຄິດ​ທິດ​ສະ​ດີ ເປັນ​ເຂັມທິດ​ຊີ້​ທາງ ​​ໃຫ້​ແກ່​ການ​ເຄື່ອນ​ໄຫວ​ປະຕິວັດ ຂອງ​ພັກ​ເຮົາ ໃນ​ການ​ນຳພາ​ພາລະກິດສ້າງສາ ແລະ ປົກ​ປັກ​ຮັກສາ​ປະ​ເທດ​ຊາດຫວຽດນາມ​ສັງຄົມ​ນິຍົມ.
ທີ​ສອງ, ແມ່ນ​ທິດ​ສະ​ດີ​ວິທະຍາສາດ ແລະ​ຖືກຕ້ອງ, ແຕ່ລັດ​ທິມາກ - ເລ​ນິນ​ ກໍ່​ແມ່ນ​ຜະລິດ​ຕະພັນ​ຂອງ​ຍຸກ​ສະ​ໄໝ ຂອງ​ສະພາບ​ແວດ​ລ້ອມ​ປະຫວັດສາດ​ທີ່​​ແນ່ນອນ, ດັ່ງ​ນັ້ນ ມັນ​ຈິ່ງ​ບໍ່​ສາມາດ​ນຳ​ສະ​ເໜີ​ບັນດາ​ຄຳ​ຕອບ​ອັນ​ຄົບ​ຖ້ວນ ລະອຽດຖີ່​ຖ້ວນ ໃຫ້​ແກ່​ທຸກ​ບັນຫາ ໃນ​ທຸກ​ຍຸກ​ສະ​ໄໝ ຢູ່​ທຸກ​ປະ​ເທດ. ດັ່ນນັ້ນ ຕ້ອງ​ຖືລັດ​ທິມາກ-ເລ​ນິນ​ເປັນ​ທິດ​ສະ​ດີ​ເປີດ ຊຶ່ງ​ຕ້ອງ​ໄດ້​ຮັບ​ການ​ເພີ່ມ​ເຕີມ ຂະຫຍາຍຕົວ​ຕື່ມ​ອີກ​ຢ່າງ​ບໍ່​ຢຸດ​ຢັ້ງ ພ້ອມໆ​ກັບ​ວິວັດທະນາ​ການ​ແຫ່ງ​ການ​ຂະຫຍາຍ​ປັນຍາ​ຄວາມ​ຮູ້ ວິທະຍາສາດ ພຶດຕິ​ກຳ​ ຂອງ​ມະນຸດຊາດ. ເມື່ອ​ໝູນ​​ໃຊ້ບັນດາ​ມູນ​ຫຼັກພື້ນຖານ​ຂອງ​ທິດ​ສະ​ດີ​ນີ້ ຈຳ​ເປັນ​ຕ້ອງ​ອີງ​ໃສ່​ເງື່ອນ​ໄຂ​ປະຫວັດສາດ - ລະອຽດ​ຕົວ​ຈິງ​ ຂອງ​ແຕ່ລະ​ປະ​ເທດ ເພື່ອ​ໝູນ​ໃຊ້​ຢ່າງ​ປະດິດ​ສ້າງ. ບັນດາ​ໄຊຊະນະທີ່​ມີ​ລັກສະນະ​ປະຫວັດສາດ
ຂອງ​ການ​ປະຕິ​ວັດ​ຫວຽດນາມ ນັບ​ແຕ່​ເມື່ອ​ມີ​ພັກ​ກອມ​ມູນິດ​ນຳພາ ​​ເປັນ​ສິ່ງ​ຢັ້ງຢືນ​ທີ່​ຈັບ​ໃຈ​ທີ່​ສຸດ
ກ່ຽວ​ກັບ​ການ​ໝູນ​ໃຊ້​ຢ່າງ​ປະດິດ​ສ້າງ
ແລະການ​ປະກອບສ່ວນ​ເຂົ້າ​ໃນ​ການ​ຂະຫຍາຍລັດ​ທິມາກ - ເລ​ນິນ​ ຂອງ​ພັກ ຂອງ​ປະຊາຊົນ​ຫວຽດນາມ.
ທີ​ສາມ, ການ​ໝູນ​​ໃຊ້​ທິດ​ສະ​ດີ​ເຂົ້າ​ໃນ​ພຶດຕິ​ກຳ ແມ່ນ​ເສັ້ນທາງ​ທີ່​ຫຍຸ້ງຍາກ ລະ​ອິດ​ລະ​ອ້ຽວ, ຕ້ອງ​ມີ​ກົນ​ໄກ​ທີ່​ເໝາະ​ສົມ ແລະ​ ມັນ​ຮຽກຮ້ອງຕ້ອງການທ່າ​ທີ່​ພາວະ​ວິ​ໄສ ວິທະຍາສາດ ຊື່ສັດ ຈິ່ງ​ສຳ​ເລັດ​ຜົນ​ໄດ້.
ຂໍ້​ສະຫລຸບ​ຕ່າງໆ​ເທິງ​ນີ້ ກໍ່​ຖືກຕ້ອງ​ໂດຍ​ສົມ​ບູນກັບ​ການ​ຄົ້ນຄວ້າ ໝູນ​ໃຊ້ ແລະ​ຂະຫຍາຍ​ຢ່າງ​ປະດິດ​ສ້າງລັດ​ທິມາກ - ເລ​ນິນ​ ຢູ່​ຫວຽດນາມ.
ຢູ່​ຫວຽດນາມ, ນັບ​ແຕ່ “​ເສັ້ນທາງ​ປະຕິວັດ” ໂດຍ​ແມ່ນ​ທ່ານ​ປະທານ​ໂຮ່ຈີ​ມິນ​ເປັນ​ຜູ້​ແຕ່ງ ແລະ ໂຄງການ​ການ​ເມືອງ ໂດຍ​ແມ່ນ​ກອງ​ປະຊຸມ​ສູນ​ກາງ​ພັກ ເດືອນ​ຕຸລາ​ປີ 1930 ຮັບຮອງ​ຜ່ານ ມາ​ເຖິງ​ປັດຈຸບັນ, ພັກ​ລ້ວນ​ແຕ່​ຢືນຢັນ ລັດ​ທິມາກ - ເລ​ນິນ​ ເປັນ​ຮາກ​ຖານ​ແນວ​ຄິດ ແລະ​ເຂັມທິດ​ຊີ້​ທາງ​ໃຫ້​ແກ່​ການ​ເຄື່ອນ​ໄຫວ​ປະຕິວັດ​ຂອງ​ພັກ. ແຕ່​ກອງ​ປະຊຸມ​ໃຫຍ່​ຄັ້ງ​ທີ VII ຂອງ​ພັກ ມາ​ເຖິງ​ດຽວ​ນີ້ ໄດ້​ມີ​ການ​ເພີ່ມ​ເຕີມ​ໃໝ່: “ພັກ​ຖືລັດ​ທິມາກ - ເລ​ນິນ ແລະ​ແນວ​ຄິດ​ໂຮ່ຈີ​ມິນ ເປັນ​ຮາກ​ຖານ​ແນວ​ຄິດ​ຂອງ​ພັກ...” . ແຕ່​ປີ 1991, ກອງ​ປະຊຸມ​ໃຫຍ່​ຄັ້ງ​ທີ VII ກໍ່​ໄດ້​ຢືນຢັນ​ແລ້ວ​ວ່າ: “...​ແນວ​ຄິດ​ໂຮ່ຈີ​ມິນ​ແມ່ນ​ໝາກຜົນ​ແຫ່ງ​ການ​ໝູນ​ໃຊ້​ຢ່າງ​ປະ​ດິດສ້າງ ລັດ​ທິມາກ - ເລ​ນິນ​ ໃນ​ເງື່ອນ​ໄຂ​ອັນ​ລະອຽດ​ຂອງ​ປະ​ເທດ​ເຮົາ, ແລະ ໃນ​ພາກ​ຕົວ​ຈິງ ແນວ​ຄິດ​ໂຮ່ຈີ​ມິນ​ໄດ້​ກາຍເປັນຊັບ​ສົມບັດ​ຈິດ​ໃຈ​ອັນ​ລ້ຳ​ຄ່າ​ຂອງ​ພັກ ແລະ ຂອງ​ຊາດ​ເຮົາ​ທັງ​ໝົດ; ພັກ​ກອມ​ມູນິດ​ຫວຽດນາມ​ແມ່ນ​ຜະລິດ​ຕະພັນຂອງ​ການ​ສົມທົບລັດ​ທິມາກ - ເລ​ນິນ​ ກັບ​ຂະ​ບວນການ​ກຳມະກອນ ແລະ​ຂະ​ບວນການ​ຮັກ​ຊາດ ຂອງ​ປະຊາຊົນ​ຫວຽດນາມ. ປະທານໂຮ່ຈີ​ມິນ ແມ່ນຮູບ​ປະກົດ​ທີ່​ຄົບ​ຖ້ວນ​ທີ່​ສຸດ​ ຂອງ​ການ​ສົມທົບ​ດັ່ງກ່າວ​ນັ້ນ, ເປັນ​ຕົວ​ແທນທີ່​ຮຸ່ງ​ເຮືອງ​ເຫຼືອງ​ເຫຼືອມ​ໃຫ້​ແກ່​ການ​ສົມທົບ​ລະຫວ່າງ​ຊົນ​ຊັ້ນ ແລະ ຊົນ​ຊາດ, ປະຊາ​ຊາດ ແລະ ສາກົນ, ເອກະລາດ​ແຫ່ງ​ຊາດ ແລະ ລັດທິ​
ສັງຄົມ​ນິຍົມ” (9) .
ກ້າວ​ເຂົ້າ​ສູ່​ສະຕະວັດ​ທີ XXI, ການ​ພັດທະນາ​ແບບ​ກ້າວ​ກະ​ໂດດ​ຂອງ​ວິທະຍາສາດ ເຕັກ​ໂນ​ໂລ​ຊີ, ທ່າ​ອຽງ​ໂລກາ​ພິວັດ ດ້ວຍ​ກຳລັງ​ຊຸກ​ດັນ​ຂອງ​ເສດຖະກິດ​ພູມ​ປັນຍາ ທີ່​ພວມ​ກ້າວ​ດ້ວຍ​ຄວາມ​ໄວ “ມື້ໜຶ່ງ​ເທົ່າ​ກັບ​ຮ້ອຍ​ປີ” ຊຶ່ງໄດ້ ແລ​ະພວມວາງ​ໜ້າ​ທີ່​ຮັບຜິດຊອບ​ອັນ​ສຳຄັນ​ໃໝ່ ທີ່​ນັບ​ມື້​ນັບ​ໃຫຍ່​ຫຼວງ ສັບສົນ ແລະ​ຫຍຸ້ງຍາກ​ກວ່າ​ເກົ່າ ອອກ​ມາ​​ໃຫ້​ທົ່ວ​ພັກ ທົ່ວ​ປວງ​ຊົນ ແລະ​ທົ່ວກອງທັບ​ເຮົາ. ເວົ້າ​ແບບ​ອື່ນ,
ເມື່ອ​ປະຫວັດສາດ​ໂລກ​ກ້າວ​ເຂົ້າ​ສູ່​ສະ​ໄໝ​ແຫ່ງ​ກາ​ນຂະຫຍາຍຕົວ​ຢ່າງ​ແຂງ​ແຮງ, ກວ່າ​ເວລາ​ໃດ​ໝົດ, ມີ​ຫຼາຍ​ບັນຫາ​ເປັນ​ລວາ​ດໆ ທີ່​ມີ​ຄວາມ​ໝາຍ​ຍຸດ​ທະ​ສາດ ທັງ​ພື້ນຖານ ທັງ​ຮີບ​ດ່ວນ ກ່ຽວ​ພັນ​ເຖິງ​ຊາຕາກຳ ອະນາຄົດຂອງ​ຊາດ ທີ່​ຮຽກຮ້ອງ​ໃຫ້​ພັກ​ເຮົາ​ຕ້ອງ​ຊອກ​ຫາ​ຄຳ​ຕອບ​ອັນ​ສັກສິດ​ໂດຍ​ໄວ ຊຶ່ງ​ຕໍ່​ກັບ​ບັນດາ​ບັນຫາ​​ໃໝ່ ແລະ​ຫຍຸ້ງຍາກ​ນັ້ນ ບັນດາ​ນັກ​ກໍ່​ຕັ້ງ​ລັດທິ​ມາກ - ເລ​ນິນ​ບໍ່​ໄດ້​ໃຫ້​ຄຳ​ຕອບ ແລະ ກໍ່ບໍ່​ອາດ​ມີ​ຄຳ​ອະທິບາຍ ຄຳ​ຕອບ​ອັນ​ລະອຽດ​ໃດ​ເລີຍ.
ເປັນ​ທຳ​ມະ​ດາ​ວ່າ, ຄື​ດັ່ງ​ທີ່​ໄດ້​ສະ​ເໜີ​ມາ​ຂ້າງ​ເທິງ, ພວກ​ເຮົາ​ບໍ່​ອາດ​ປະຕິ​ເສດບັນຫາ​ໜຶ່ງ​ຄື ໃນ​ບັນດາ​ທົດ​ສະວັດທີ 7, 8 ເປັນ​ຕົ້ນ​ແມ່ນ​ໃນຊຸມ​ປີ​ຕົ້ນ​ທົດ​ສະ​ວັດ​ທີ 9 ຂອງ​ສະຕະວັດ​ທີ XX,
ໃນ​ຂະ​ບວນວິວັດ​ແຫ່ງ​ການ​ຫັນ​ທິດ​ສະ​ດີ​ມາກ​ຊິດ​ນັ້ນ​ເປັນພາກ​ຕົວ​ຈິງ ຊາ​ວພັກ​ກອມ​ມູນິດ​ພົບ​ຄວາມ​ຫຍຸ້ງຍາກ​ອັນ​ໃຫຍ່​ຫຼວງ. ພິ​ເສດ, ເມື່ອ​ປະຫວັດສາດ​ຂະຫຍາຍຕົວ ມະນຸດຊາດ​ຢູ່​ໃນ​ສະຖານະ​ການ​ທີ່​ມີ​ລັກສະນະ​ຫົວລ້ຽວຫົວ​ຕໍ່,
ເມື່ອທ່າ​ອຽງ​ໂລກາ​ພິວັດກາຍ​ເປັນອັນ​ແຜ່​ຫຼາຍ​ທົ່ວ​ໄປ ດ້ວຍ​ບັນດາ​ກຳລັງ​ຊຸກ​ດັນ​ທີ່​ແຂງ​ແຮງ, ວຽກ​ງານ​ດັ່ງກ່າວ​ຍິ່ງ​ຫຍຸ້ງຍາກ​ກວ່າ​ເກົ່າ​ຕັ້ງ​ຫຼາຍ​ເທົ່າ. ຊົນ​ຊັ້ນ​ກຳມະກອນ ທີ່​ນຳ​ໜ້າ​ໂດຍ​ພັກ​ປະຕິວັດ​ຂອງ​ມັນ ໄດ້ ພວມ ແລະ​ສືບ​ຕໍ່​ມີ​ກຳລັງ​ພຽງພໍ​ ເພື່ອແບກ​ຫາບ​ໜ້າ​ທີ່​ຮັບຜິດຊອບ​ອັນສຳຄັນ​ດັ່ງກ່າວ​ ຂອງ​ປະວັດ​ສາດສັງຄົມ​ນິຍົມ,
ເມື່ອ​ຮູ້​ອີງ​ໃສ່​ການ ຊີ້​ບອກ ຂອງປະຫວັດສາດຂະ​ບວນການສັງຄົມ​ນິຍົມ, ຮູ້ວິທີ​ຜ່ານ​ຜ່າບັນດາ ສິ່ງ​ທ້າ​ທາຍ ທີ່​ມີ​ລັກສະນະ “​ເປັນ, ຕາຍ” ຂອງ​ຍຸກ​ສະ​ໄໝ, ແລະ​ປະການ​ສຳຄັນ​ພື້ນຖານ ມີ​ຄວາມ​ໝາຍ​ຕັດສິນ​ທີ່​ສຸດ ແມ່ນ​ຕ້ອງ​ຮູ້ ກັບ​ຄືນ​ມາ ສູ່ລັດ​ທິມາກ - ເລ​ນິນ​ ຢ່າງ​ໝັ້ນຄົງ ແລະ​ປະດິດ​ສ້າງ.
ສະ​ນັ້ນ, ໃນ​ການ​ກໍ່ສ້າງ​ລັດທິ​ສັງຄົມ​ນິຍົມ
ແລະ ປົກ​ປັກ​ຮັກສາ​ປະ​ເທດ​ຊາດ​ໃນ​ປັດຈຸບັນ, ພວກ​ເຮົາ​ຍິ່ງ​ຕ້ອງ​ກັບ​ຄືນ​ມາສູ່ລັດ​ທິມາກ - ເລ​ນິນ, ແນວ​ຄິດ​ໂຮ່ຈີ​ມິນ​ຢ່າງ​ຊື່​ຕົງ​ບໍລິສຸດ ແລະ​ປະດິດ​ສ້າງ. ຫຼັກການ​ທີ່​ບໍ່​ຂະຫຍັບຂະຫຍາຍ​ຄື ຕ້ອງ​ຄົ້ນຄວ້າ ແລະ​ຊາບ​ຊືມມັນ​ດ້ວຍ​ຖານະ​ທີ່​ບໍ່​ພຽງ​ແຕ່​ເປັນ ຮາກ​ຖານ​ທິດ​ສະ​ດີກາ​ນ​ເມືອງ
ທາງ​ດ້ານ​ການ​ເມືອງ-ສັງຄົມ, ເປັນໂຄງການ​ການ​ເມືອງ-ວິທະຍາສາດ ທາງ​ດ້ານການ​ເຄື່ອນ​ໄຫວ​ປະຕິວັດ, ເປັນເອກະ​ພົບ​ອັນ​ຄົບ​ຖ້ວນ​ໜຶ່ງ ທາງ​ດ້າ​ໂຄງ​ປະກອບ​ລະບົບ, ເປັນ​ເນື້ອຕົວ​ຈິງ​ໜຶ່ງ​ທີ່​ເຄື່ອນ​ເໜັງ ແລະ​ເປັນ​ເອກະ​ພາບ ທາງ​ດ້ານ​ວິທະຍາສາດ-ພຶດຕິ​ກຳ ເທົ່າ​ນັ້ນ ຫາກ​ຍັງ​ເປັນທິດ​ສະ​ດີ-ພຶດຕິ​ກຳ​​ເປີດ ທາງ​ດ້ານ​ສັງຄົມ-ປະຫວັດສາດ ແລະ ເປັນສັງລວມວິທີ​ວິທະຍາສາດ ແລະປະຕິວັດ, ຄື​ກະ​ໂຕລັດ​ທິມາກ - ເລ​ນິນ​ໄດ້​ກວມ​ລວມ ແລະ ສະ​ແດງ​ອອກ.
ຜ່ານ​ການ​ທົດ​ສອບ ແລະ​ກວດ​ພິສູດ​ຂອງ​ພຶດຕິ​ກຳ​​ແຫ່ງ​ປະຫວັດສາດ, ສິ່ງ​ທີ່​ນັບ​ມື້​ຍິ່ງ​ກະຈ່າງ​ແຈ້ງ​ຄື, ຍ້ອນ​ການ​ຮ່ວມ​ເປັນ​ຜົນ​ຜະລຶກ​ ຂອງ​ບັນດາ​ຄຸນສົມບັດ​ແລະ​ທາດ​ແທ້​ເຫຼົ່ານັ້ນ, ລັດ​ທິມາກ - ເລ​ນິນ​ ໂດຍ​ມັນ​ເອງ ມັນ​ໄດ້​ເປັນວິທະຍາສາດ​ທີ່​ມີ​ລັກສະນະປະຕິວັດ​ຢ່າງ​ເລິກ​ເຊິ່ງ. ເພາະວ່າ, ມັນ​ແມ່ນ​ທິດ​ສະ​ດີ​ທີ່​ບໍ່​ພຽງ​ແຕ່​ແນ​ໃສ່ ອະທິບາຍ ໂລກ​ເທົ່າ​ນັ້ນ ຫາກ​ສຳຄັນ​ກວ່າ​ນັ້ນ​ແມ່ນ ແນ​ໃສ່ ດັດ​ສ້າງ ໂລກ. ເວົ້າ​ແບບ​ອື່ນ, ລັດ​ທິມາກ - ເລ​ນິນ ບໍ່​ແມ່ນ​ປະ​ເພດ​ວິທະຍາສາດ​​ເພື່ອ​ໂຕມັນ​ເອງ​ເປັນອັນຂາດ ຫາກ​ແມ່ນ​ວິທະຍາສາດ​ກ່ຽວ​ກັບ​ການ​ປະຕິ​ວັດ, ວິທະຍາສາດ​ຂອງ​ພຶດຕິ​ກຳ ແລະ ຍ້ອນ​ພຶດຕິ​ກຳ​ປະຫວັດສາດ​ການ​ປະຕິວັດ ແນ​ໃສ່​ຈຸດໝາຍ​ປົດ​ປ່ອຍ​ມະນຸດ​ ອອກ​ຈາກ​ການ​ຄອບ​ງຳ ຂອງ “ອານາຈັກ​ແຫ່ງ​ຄວາມ​ຈຳ​ເປັນ” ເພື່ອ​ກ້າວ​ໄປ​ສູ່ “ອານາຈັກ​ແຫ່ງ​ອິດສະຫຼະ​ເສລີ”. ຍ້ອນ​​ແນວ​ນັ້ນ, ມັນ​ໄດ້ກວມ​ລວມຄວາມ​ສາມາດຂະຫຍາຍຕົວ​ດ້ວຍ​ຕົນ​ເອງ ປະດິດ​ສ້າງ​ດ້ວຍ​ຕົນ​ເອງ ຢ່າງ​ບໍ່​ຢຸດ​ຢັ້ງ ໂດຍ​ຜ່ານ​ການ​ປະຕິວັດ. ເວົ້າ​ວ່າ​ຕັ້ງ​ໝັ້ນ​ໃນ​ລັດທິມາກ - ເລ​ນິນ​ ກໍ່​ໝາຍ​ຄວາມ​ວ່າ​ຕ້ອງ​ຂະຫຍາຍ​ມັນ​ຢ່າງ​ບໍ່​ຢຸດ​ຢັ້ງ ດ້ວຍ​ພຶດຕິ​ກຳ​ປະຕິວັດ​ປະດິດ​ສ້າງ; ພ້ອມ​ກັນ​ນັ້ນ ກໍ່​ຕ້ອງ​ຍົກ​ສູງ​ສະຕິ​ລະວັງ​ຕົວ ຕ້ານ​ຄືນ​ຢ່າງທັນ​ການ ແລະ​ມີ​ປະສິດທິ​ຜົນ ຕໍ່​ທຸກໆ​ປະກົດ​ການ ຂອງ​ລັດທິ​ອັດຖະ​ປະ​ໂຫຍ​ດ ລັດທິ​ສວຍ​ໂອກາດ ແລະ​ລັດທິ​ແກ້ ທີ່​ກໍ່ຄວາມ​ເປື້ອນ​ເປິະ ບິດ​ເບືອນ ແລະ​ໃສ່​ຮ້າຍ​ປ້າຍ​ສີ​ລັດ​ທະ​ມາກ-​ເລ​ນິນ.
ດັ່ງ​ນັ້ນ, ເນື້ອ​ແທ້​ຂອງການ​ສື​ບຕໍ່​ຄົ້ນຄວ້າ ຂະຫຍາຍລັດ​ທິມາກ - ເລ​ນິນ​ ແມ່ນ ຄົ້ນຄວ້າ ຄົ້ນ​ເຜີຍ ແລະ ສະຫລຸບ​ສັງ​ລວ​ມບັນດາ​ບັນຫາ​ທີ່​ມີ​ລັກສະນະ​ກົດ​ເກນ, ບັນດາ​ກົດ​ເກນ​​ແຫ່ງ​ການ​ເຄື່ອນ​ເໜັງ​ສັງຄົມ ຢ່າງ​ກວມ​ລວມ, ມີ​ລັກສະນະ​ລວ​ມທີ່​ສຸດ, ມີ​ລັກສະນະ​ຈຳ​ເປັນ​ແນ່ນ​ອນ ແຕ່​ພັດ​ໄດ້​ບັນຈຸ​ແລະ​ໄດ້​ສະ​ແດງ​ອອກ​ຢ່າງ​ມີ​ຊີວິດ​ຊີ​ວາ ຢູ່​ໃນ​ບັນດາ​ໄລຍະ​ປະຫວັດສາດ​ອັນ​ລະອຽດ ທີ່​ແນ່ນອນ, ໂດຍ​ພິຈາລະນາ​ໃນ​​ວິວັດທະນາ​ການທັງ​ໝົດ​ແຫ່ງ​ການ​ພັດທະນາ​ປະຫວັດສາດ - ທຳ​ມະ​ຊາດ ຂອງ​ມະນຸດຊາດ,
ເພື່ອ​ການ​ດຳລົງ​ຄົງ​ຕົວ ແລະ ຂະຫຍາຍຕົວ​ຂອງ​ລັດທິ​ສັງຄົມ​ນິຍົມໃນ​ສະຕະວັດ​ທີ XXI .
ຕາມ​ນັ້ນ, ເນື້ອ​ແທ້​ຂອງ​ການ​ຄົ້ນຄວ້າ​ທິດ​ສະ​ດີກາ​ນ​ເມືອງ​ທັງ​ໝົດ​ຂອງ​ພວກ​ເຮົາ​ ແມ່ນ​ແນໃສ່ ຈຸດໝາຍ​ປະກອບສ່ວນ​ສ້າງ​ແນວທາງ​ການ​ເມືອງ ທີ່​ເປັນ​ເອກະລາດ ເປັນ​ເຈົ້າ​ຕົນ​ເອງ ຖືກຕ້ອງ ແລະ ປະດິດ​ສ້າງ ເພື່ອນຳພາ ຊີ້ນຳ​ໄຊຊະນະ​ຂອງ​ການ​ກໍ່ສ້າງ​ລັດ​ທິສັງຄົມ​ນິຍົມ ແລະ ປົກ​ປັກ​ຮັກສາ​ປະ​ເທດ​ຊາດ, ພາຍ​ໃຕ້​ການ​ນຳພາ​ຂອງ​ພັກ​ຢູ່​ປະ​ເທດ​ເຮົາ​ໃນ​ປັດຈຸບັນ ບົນພື້ນຖານລັດ​ທິມາກ - ເລ​ນິນ​, ແນວ​ຄິດ​ໂຮ່ຈີ​ມິນ. ແຕ່​ໃນ​ພາກ​ພຶດຕິ​ກຳ, ບໍ່​ແມ່ນ​ເມື່ອ​ເວົ້າ​ເຖິງການ​ກຳນົດ​ທິດ​ສັງຄົມ​ນິຍົມ ໃນ​ວຽກ​ງານ​ຄົ້ນຄວ້າ​ທິດ​ສະ​ດີກາ​ນ​ເມືອງ ກໍ່​ຈະ​ມີ​ທິດ​ສະ​ດີ​ທີ່​ຖືກຕ້ອງ​ໃນ​ທັນ​ທິທັນ​ໃດ ກ່ຽວ​ກັບ​ພາລະກິດ​ການ​ກໍ່ສ້າງ​ລັດທິ​ສັງຄົມ​ນິຍົມ, ລະອຽດ​ຄື​ແນວທາງ​ການ​ເມືອງ​ກໍ່ສ້າງ​ລັດ​ທິສັງຄົມ​ນິຍົມ ແລະ​ປົກ​ປັກ​ຮັກສາ​ປະ​ເທດ​ຊາດທີ່​ຖືກຕ້ອງ. ຍ້ອນ​ວ່າ, ດ້ານ​ໜຶ່ງ, ທາງ​ດ້ານ​ວິທີ​ວິທະຍາ, ມີ​ການ​ກຳນົດ​ທິດ​ກໍ່​ຈະ​ມີ​ການຜີກ​​ຈາກ​ທິດ​ໝາຍ (ຫຼົງ​ທິດ), ພິຈາລະນາ​ທາງ​ດ້າມະຫາ​ພາກ ກໍ່​ຄື​ຈູ​ນລະ​ພາກ, ໃນ​ຂະໜາດ​ທົ່ວ​ທັງ​ໝົດ ກໍ່​ຄື​ໃນ​ພາກສ່ວນ; ດ້ານ​ອື່ນ, ທາງ​ດ້ານ​ການຈັດ​ຕັ້ງ​ພຶດຕິ​ກຳ, ຕົວ​ມັນ​ເອງ​ໄດ້​ມີ​ຄວາມ​ບໍ່​ສອດຄ່ອງ​ສອງ​ປະການ: ວາງ​ແນວທາງ​ການ​ເມືອງ​ຜິດ​ກັບ​ກົດ​ເກນ ແລະ ຈັດ​ຕັ້ງ​ການ​ປະຕິບັດ​ແນວທາງ​ການ​ເມືອງ​ຢ່າງ​ຜິດ​ເຂ​ວ. ໃນ​ອະດີດຕະການ, ຄວາມ​ຜິດພາດ​ທາງ​ດ້ານ​ພຶດຕິ​ກຳ​ໄດ້​ສະ​ແດງ​ໃຫ້​ເຫັນ​ສອງ​ປະການ​ດັ່ງກ່າວ. ເພາະສະ​ນັ້ນ, ໃນ​ກອງ​ປະ​ຊຸມ​​ກາງ​ສະ​ໄໝ ຂອງຄະນະ​ບໍລິຫານ​ງານ​ສູນ​ກາງ​ພັກ​ຊຸດ​ທີ VII (​ເດືອນ​ມັງກອນ​ ປີ 1994), ພັກ​ເຮົາ​ໄດ້​ກ່າວ​ເຕື່ອນ ແລະ ເປັນ​ຫ່ວງ​ເປັນ​​ໃຍ​ທີ່​ສຸດ ກ່ຽວ​ກັບ​ໄພ​ອັນຕະລາຍ​ແຫ່ງ​ການ​ຜີກ​ຈາກ​ທິດ​
ສັງຄົມ​ນິຍົມ, ຖື​ວ່າ​ນີ້​ແມ່ນ​ ໄພ​ອັນຕະລາຍ​ອັນ​ດັບ​ໜຶ່ງ ໃນ​ໄພ​ອັນຕະລາຍ​ສີ່​ຢ່າງ, ທີ່ມີຢູ່​ທັງ​ສອງ​ດ້ານ ການວາງ​ແນວທາງ ແລະ ການຈັດ​ຕັ້ງ​ປະຕິບັດ​ແນວທາງ​ການ​ເມືອງ​ ຂອງ​ພັກ.
ເວົ້າ​ຄື​ແນວ​ນັ້ນ ເພື່ອ​ໃຫ້​ຮັບ​ຮູ້​ຢ່າງ​ເລິ​ກ​ເຊິ່ງວ່າ ບັນຫາ​ຢຶດໝັ້ນ​ທິດ​ທາງ​ສັງຄົມ​ນິຍົມໃນ​ການ​ຄົ້ນຄວ້າ​ທິດ​ສະ​ດີກາ​ນ​ເມືອງ ບົນ​ພື້ນ​ຖານລັດ​ທິມາກ - ເລ​ນິນ​ ມີ​ຄວາມ​ໝາຍ​ສຳຄັນ​ເປັນ​ພິ​ເສດ, ຕັດສິນ​ເຖິງ​ຜົນສຳ​ເລັດ​ຂອງ​ພັກ​ເຮົາ, ຂອງ​ພາລະກິດ​ກໍ່ສ້າງ​ສັງຄົມ​ນິຍົມ ແລະ ປົກ​ປັກ​ຮັກສາ​ປະ​ເທດ​ຊາດຂອງ​ພວກ​ເຮົາ​ໃນ​ປັດຈຸບັນ
ແລະ​ຂອງ​ຊາດ ຂອງ​ປະ​ເທດ​ເຮົາ​ໃນ​ອະນາຄົດ. ນັ້ນ​ແມ່ນ​ບົດຮຽນ​ແຫ່ງ​ຜົນສຳ​ເລັດ ຫຼື​ປະລາ​ໄຊ​ຂອງ​ພວກ​ເຮົາ ໃນ​ພຶດຕິ​ກຳ​ແຫ່ງ​ການ​ກໍ່ສ້າງສັງຄົມ​ນິຍົມ ຫຼາຍ​ທົດ​ສະ​ວັດ​ທີ່​ຜ່ານ​ມາ; ນັ້ນກໍ່ແມ່ນບົດຮຽນແຫ່ງຄວາມປະລາໄຊ ຂອງ​ບັນດາ​ພັກ​ກອມ​ມູນິດ​ຜູ້​ກຳ​ອຳນາດ ຢູ່​ບັນດາ​ປະ​ເທດສັງຄົມ​ນິຍົມ ຢູ່​ສະຫະພາບ​ໂຊ​ວຽດ ແລະ​ເອີຣົບຕາ​ເວັນ​ອອກ ໃນ​ທົດ​ສະ​ວັດ​ສຸດ​ທ້າຍ​ ຂອງ​ສະຕະວັດ​ທີ XX, ເມື່ອ​ຜີກ​ຈາກ​ທິດ​ໝາຍ ຫຼື​ຫຼົງ​ທິດ​ໃນ​ການ​ວາງ​ແນວທາງ​ການ​ເມືອງ, ກວ້າງ​ກວ່ານັ້ນ​ແມ່ນ​ທິດ​ສະ​ດີກາ​ນ​ເມືອງ. ກະ​ໂຕ​ການ​ຂະຫຍາຍຕົວ​ຢ່າງ​ສັບສົນ ແລະ​ຫຍຸ້ງຍາກ​ຂອງ​ພຶດຕິ​ກຳ​ປະຕິວັດ​ໄດ້​ໃຫ້​ເຫັນ​ວ່າ ບໍ່​ມີ​ສິ່ງ​ໃດ​ທີ່​ອາດ​ຈະ​ພຶດຕິ​ກຳ​ກວ່າ ເມື່​ອພວກ​ເຮົາ​ມີທິດ​ສະ​ດີວິທະຍາສາດ ແລະ​ປະຕິວັດ ພາ​ທາງ. ຢູ່ບ່ອນ​ໃດ ແລະ​ໃນ​ເວລາ​ໃດ​ທີ່​ວຽກ​ງານ​ທິດ​ສະ​ດີ​ບໍ່​ໄດ້​ຮັບ​ຄວາມ​ເອົາ​ໃຈ​ໃສ່​ຢ່າງ​ຖືກ​ລະດັບ ແມ່ນ​ຢູ່​ບ່ອນ​ນັ້ນ​ແລະ​ໃນ​ເວລາ​ນັ້ນ ຈະ​ເກີດ​ວິ​ກິດ​ການ​ດ້ານ​ທິດ​ສະ​ດີ ແລະ​ທິດ​ສະ​ດີ​ຖືກ​ຖອຍຫຼັງ; ຕາມ​ນັ້ນ, ວຽກ​ງານ​ຈັດ​ຕັ້ງ​ພຶດຕິ​ກຳ​ກໍ່​ຈະ​ສັບ​ສົນ​ວຸ້ນວາຍ, ຊ້ຳ​ບໍ່​ໜຳ​ຍັງ​ຖືກ​ຫຍຸ້ງຍາກ​ຕິກ​ຂັດ ແລະ​ລົ້ມ​ຈົມ. ພຶດຕິ​ກຳ​ໄດ້​ຢືນຢັນ​ແລ້ວ​ວ່າ, ມີ​ພຽງ
ເລິີ່ມຈາກລັດ​ທິມາກ - ເລ​ນິນ, ແນວ​ຄິດ​ໂຮ່ຈີ​ມິນ, ຈັດ​ຕັ້ງ​ພຶດຕິ​ກຳ​ເປັນ​ຢ່າງ​ດີ, ສະຫລຸບ​ສັງ​ລວມບົດຮຽນ​ພຶດຕິ​ກຳ​ປະຕິວັດ ຢ່າງ​ທັນ​ການ​ແລະ​ເປັນ​ປະຈຳ ແມ່ນ​ເສັ້ນທາງ​ໜຶ່ງ​ດຽວ​ທີ່​ຖືກຕ້ອງ
ເພື່ອ​ຂະຫຍາຍ ແລະ​ປົກ​ປ້ອງ​ທິດ​ສະ​ດີ​ປະ​ຕິ​ວັດ
ຈິ່ງ​ສືບ​ຕໍ່​ນຳ​ເອົາ​ພາລະກິດ​ການ​ປະຕິວັດ​ກ້າວ​ຂຶ້ນ​ຢ່າງ​ບໍ່​ຢຸດ​ຢັ້ງ.
ນັ້ນ​ແມ່ນ ຈຸດປະສົງ ເສັ້ນທາງ ສິ່ງ​ແວດ​ລ້ອມ, ແມ່ນ​ບາດກ້າວ ໄມ້​ຫຼາ​ວັດ​ແທກ​ປະສິດທິ​ຜົນ, ແມ່ນ​ສິ່ງ​ທ້າ​ທາຍ ໂອກາດ​ດີ​ໃນ​ການ​ພັດທະນາ ແລະ ແມ່ນ​ຂອບ​ຟ້າ​ແຫ່ງ​ການ​ປະດິດ​ສ້າງ ຂອງ​ວຽກ​ງານ​ທິດ​ສະ​ດີ​ໃນປັດຈຸບັນ
ເພື່ອ​ແນ​ໃສ່​ກໍ່ສ້າງ ແລະ​ຂະຫຍາຍ​ຮາກ​ຖານ​ແນວ​ຄິດ​ການ​ເມືອງ ທີ່ພາ​ທາງ​ໃຫ້​ແກ່​ພາລະກິດ​ການ​ປ່ຽນ​ແປງ​ໃໝ່ ກໍ່ສ້າງ​ສັງຄົມ​ນິຍົມ ແລະ​ປົກ​ປັກ​ຮັກສາ​ປະ​ເທດ​ຊາດ​ຫວຽດນາມ ໄປ​ສູ່​ອະນາຄົດ; ພ້ອມ​ກັນ​ນັ້ນ ກໍ່​ຮັບຮອງ ທ່າ​ທີ່ ຄວາມ​ເດັດດ່ຽວ ຄວາມ​ສາມາດ ແລະ ສິນ​ທຳ ຂອງ​ພວກ​ເຮົາ​ຕໍ່​ກັບ​ທິດ​ສະ​ດີ​ມາກ​ຊິດ.
ຍ້ອນ​ວ່າ, ພິຈາລະນາ​ຈົນ​ສຸດ​, ວຽກ​ງານ​ທິດ​ສະ​ດີ​ທັງ​ໝົດ​ຂອງ​ພວກ​ເຮົາ ທາງ​ດ້ານ​ເນື້ອ​ແທ້​ແມ່ນ​ແນ​ໃສ່ ຈຸດປະສົງ​ກໍ່ສ້າງ​ແນວທາງ​ການ​ເມືອງ​ທີ່​ປັນ​ເອກະລາດ ເປັນ​ເຈົ້າ​ຕົນ​ເອງ​ ແລະ ປະດິດ​ສ້າງທາງ​ດ້ານ​ທິດ​ສະ​ດີ​ຂອງ​ພັກ ເພື່ອ​ຊີ້​ນຳ​ໄຊຊະນະ ໃນ​ການ​ສ້າງສາສັງຄົມ​ນິຍົມ ຢູ່​ໃນ​ປະ​ເທດ​ເຮົາ , ຕາມລັດ​ທິມາກ - ເລ​ນິນ​, ແນວ​ຄິດ​​ໂຮ່ຈີ​ມິນ. ປະຫວັດສາດພັກ​ເຮົາ ໃນ 84 ປີ​ທີ່​ຜ່ານ​ມາ​ໄດ້ຢັ້ງຢືນ​ວ່າ: ຍ້ອນ​ຕັ້ງ​ໝັ້ນ ແລະ ໝູນ​ໃຊ້ລັດ​ທິມາກ - ເລ​ນິນ​, ແນວ​ຄິດ​ໂຮ່ຈີ​ມິນ ຢ່າງ​ໄຫວ​ພິບ ປະດິດ​ສ້າງ, ຈາກ​ນັ້ນ​ຊອກ​ຫາ​ໄດ້​ ທາດ​ແທ້ ກົດ​ເກນ​ການ​ເຄື່ອນ​​ເໜັງ​ພິ​ເສດສະ​ເພາະ ຂອງ​ສັງຄົມ​ຫວຽດນາມ ແລະ ທ່າ​ອຽງ​ແຫ່ງ​ການ​ເຄື່ອນ​ເໜັງອັນ​ຈຳ​ເປັນ​ແນ່ນ​ອນຂອງ​ຍຸກ​ສະ​ໄໝ ; ພ້ອມ​ກັນ​ນັ້ນ, ຕໍ່ສູ້​ ຢ່າງ​ເດັດດ່ຽວ ຕ້ານ​ກັບ​ທຸກໆ​ປະ​ກົດ​ການ​ຂອງ​ລັດທິ​ອັດຖະ​ປະ​ໂຫຍ​ດ ລັດທິ​ຄຳ​ພີຕາ​ຍຕົວ ລັດທິ​ສວຍ​ໂອກາດ..., ພັກ​ເຮົາ​ໄດ້​ສຳ​ເລັດຜົນ ໃນ​ການ​ກໍ່ສ້າງ​ແນວທາງ​ປະຕິວັດ​ທີ່​ເປັນ​ເອກະລາດ ເປັນ​ເຈົ້າ​ຕົນ​ເອງ ແລະ​ປະດິດ​ສ້າງ​ ຂອງ​ການ​ປະຕິວັດ​ຢູ່​ປະ​ເທດ​ເຮົາ.
ໃນ​ລະດັບ​ມະຫາ​ພາກ, ວຽກ​ງານ​ທິດ​ສະ​ດີ​ໄດ້​ປະ​ກອຍ​ສ່ວນ​ອັນ​ສຳຄັນ​ ໃນ​ການ​ອະທິບາຍ​ທຳ​ຄວາມ​ກະຈ່າງ​ແຈ້ງ ຫຼາຍ​ໆບັນຫາ​ວິທະຍາສາດ-ພຶດຕິ​ກຳທີ່​ເປັນ​ພື້ນຖານ ແລະ​ສຳຄັນ​ທີ່​ສູດ, ສືບ​ຕໍ່​ພາ​ປະ​ເທດ​ຊາດ​ຜ່ານ​ຜ່າ​ຄວາມ​ຫຍຸ້ງຍາກ ສິ່ງ​ທ້າ​ທາຍຕ່າງໆ ແລະ​ສືບ​ຕໍ່​ຂະຫຍາຍຕົວ​ບົນ​ເສັ້ນທາງ​ສັງຄົມ​ນິຍົມ, ພາຍ​ໃຕ້​ແສງ​ສະຫວ່າງ​ຂອງລັດ​ທິມາກ - ເລ​ນິນ​, ແນວ​ຄິດ​ໂຮ່ຈີ​ມິນ. ນັ້ນ​ແມ່ນ​ບັນດາ​ບັນຫາ​ກ່ຽວ​ກັບ​ຈຸດ​ພິ​ເສດ ເນື້ອ​ໃນຂອງ​ຍຸກ​ສະ​ໄໝ​ປັດຈຸບັນ; ກ່ຽວ​ກັບ​ຕົວ​ແບບ ແລະ​ເສັ້ນທາງ​ສັງຄົມ​ນິຍົມຢູ່​ຫວຽດນາມ; ກ່ຽວ​ກັບ​ພາລະກິດ​ການ​ຫັນ​ເປັນ​ອຸດສາຫະກຳ ທັນ​ສະ​ໄໝ; ກ່ຽວກັບການ​ພັດທະນາ​ເສດຖະກິດ​ຕະຫຼາດ​ກຳນົດ​ທິດ​ສັງຄົມ​ນິຍົມ; ກ່ຽວກັບການ​ເປັນ​ເຈົ້າ​ການ ຕັ້ງໜ້າ​ເຊື່ອມ​ໂຍງ​ເຂົ້າ​ກັບ​ສາກົນ; ກ່ຽວກັບ​ການກໍ່ສ້າງ​ພື້ນຖານ​ວັດທະນະທຳ​ຫວຽດນາມ​ທີ່​ກ້າວໜ້າ
ແລະ​ເຂັ້ມຂົ້ນ​ໄປ​ດ້ວຍ​ສີສັນ​ຊາດ; ກ່ຽວ​ກັບ​ການ​ເສີມ​ຂະຫຍາຍ​ກຳລັງ​ແຮງ​ແຫ່ງ​ຄວາມ​ສາມັກຄີ​ປວງ​ຊົນ​ທັງ​ຊາດ ແລະ ສາມັກຄີ​ສາກົນ; ກ່ຽວ​ກັບ​ການ​ກໍ່ສ້າງ​ລັດ​ແຫ່ງ​ອຳນາດ​ກົດໝາຍ​ສັງຄົມ​ນິຍົມຫວຽດນາມ; ກ່ຽວ​ກັບ​ການ​ກໍ່ສ້າງ​ພັກ​ໃຫ້​ທຽບ​ເທົ່າ​ກັບ​ພາລະກິດ​ປ່ຽນ​ແປງ​ໃໝ່​ປະ​ເທດ​ຊາດ,... ຄວາມ​ມານະ​ພະຍາຍາມ​ທັງ​ໝົດ​ນັ້ນ​ ຂອງ​ວຽກ​ງານ​ທິດ​ສະ​ດີ ໄດ້​ປະກອບສ່ວນ​ໂດຍ​ກົງ​ ເຂົ້າ​ໃນ​ການ​ເຮັດ​​ໃຫ້ “​ເສັ້ນທາງ​ກ້າວ​ຂຶ້ນ​ສັງຄົມ​ນິຍົມຢູ່​ຫວຽດນາມ ນັບ​ມື້​ນັບ​ໄດ້​​ກຳນົດຢ່າງ​ຈະ​ແຈ້ງ​ກວ່າ​ອີກ” , ພາໃຫ້​ປະ​ເທດຫລຸດ​ພົ້ນ​ອອກ​ຈາກ​ວິ​ກິດ​ການ​ເສດຖະກິດ - ສັງຄົມ ທີ່​ໜັກໜ່ວງ​ແກ່ຍາວ​ໃນ​ສອງ​ທົດ​ສະ​ວັດ​ສຸດ​ທ້າຍ​ ຂອງ​ສະຕະວັດ​ທີ XX, ກ້າວ​ເຂົ້າ​ສູ່​ສະ​ໄໝ​ແຫ່ງ​ການ​ພັດທະນາ​ໃໝ່ ໃນ​ສະຕະວັດ​ທີ XXI ດ້ວຍ​ທ່ວງທ່າ ແລະ ກຳລັງ​ແຮງ​ໃໝ່, ດ້ວຍ​ອັດຕາຄວາມ​ໄວ​ໃໝ່ ຄື​ດັ່ງ​ທີ່​ທຸກ​ຄົນ​ໄດ້​ເຫັນ​ມາ.
ນັ້ນ​ແມ່ນ​ໜຶ່ງ​ໃນ​ບັນ​ດາ ບົດ​ຮຽນປະຫວັດສາດ​ອັນ​ລ້ຳ​ຄ່າ ທີ່​ປະ​ກອບສ້າງ​ໄຊຊະນະ​ຂອງ​ການ​ປະຕິວັດ​ຫວຽດນາມ, ປະກອບສ່ວນ​ເຂົ້າ​ໃນ ການ​ຂະຫຍາຍ​ເພີ່ມ​ເຕີ​ມຢ່າງ​ປະດິດ​ສ້າງ ແລະ ປົກ​ປ້ອງ​ຢ່າງ​ສຳ​ເລັດ​ຜົນ
ລັດ​ທິມາກ - ເລ​ນິນ​, ແນວ​ຄິດ​ໂຮ່ຈີ​ມິນ, ບົນ​ພື້ນຖານ​ຮັບປະກັນ ຄວາມ​ເປັນ​ເອກະ​ພາບ​ລະຫວ່າງ​ທິດ​ສະ​ດີ​ປະຕິວັດ ແລະ ພຶດຕິ​ກຳ​ປະຕິວັດ ເພື່ອ​ແນ​ໃສ່​ທັງ​ຍົກ​ສູງ​ລະດັບ​ທິດ​ສະ​ດີ ທັງ​ຍູ້​ແຮງ​ຄວາມ​ສາມາດ​ຈັດ​ຕັ້ງ​ພຶດຕິ​ກຳ​ປະຕິວັດ./.
ໂດຍ: ຮສ.ດຣ. ຫວູວັນ​ຝຸກ
ບັນນາທິການ​ໃຫຍ່​ວາລະສານ​ກອມ​ມູນິດ
* ບົດ​ນີ້​ໄດ້​ລົງ​ພິມ​ໃນ​ວາລະສານ​ກອມ​ມູນິດ ສະບັບ​ທີ 855 (​ເດືອນ​ມັງກອນ 2014